LORON MUNDIAL LABARIK, PN HUSU LABELE HUSIK LABARIK INVOLVE IHA NEGOSIU

SUARA TIMOR LOROSAE

DILI – Parlamentu Nacional (PN), liu Komisaun A, Justica no Poder Lokal sujere ba Estadu no inan aman atu fo oprtunidade ba labarik sira hodi hetan eduksaun, laos ba iha dalan ninin, hodi fa’an jornal ka fase kareta.

Vice Komisaun A PN, Rui Menezes husi bankada PD ba Jornalista iha uma fukun PN, Segunda (30/05) fo parabens ba labarik nebe selebra sira nia loron, TL rasik ratifika ona konvensaun ba protesaun labarik, tanba ne’e mak tinan-tinan iha obrigasaun atu bele aprezenta relatoriu iha ONU.

“Hau hanoin ita nia inan aman sira tenki hatene katak labarik sira merese duni atu hetan direitu baziku asesu ba eskola, tanba ne’e mak Estadu atende ida ne’e hodi garantia direitu sira ne’e ba iha inan aman sira katak inan aman sira labele husik ita nia labarik sira liu-liu ba iha dalan ninin, fa’an jornal ka fase kareta, ou ba halao vida negociu sai ida deit iha dalan ninin,” informa Rui.

Deputadu ne’e rekonhese katak, maske entermus kualidade, infrastrutura edukasaun sidauk halo diak hanesan biblioteka, livru atu labarik sira uza atu estuda, halo atu bele hasae tan kapasidade intelektual komesa husi bazika TL, nia kapasidade sidauk to’o.

Entertantu Deputadu CNRT, Maria Fernanda Lay dehan, importante tebes tenki tau matan ba iha rai, tanba mundu global labele tama liu husi internet persija inan aman tenki tau matan atu proteje oan sira, atu akompania mundu husi internet, bele tama ba buat oi-oin, hanesan filem pornografia.

Iha fatin hanesan Deputadu Domigos Sarmentu, husi Bankada FRETELIN, labarik kik sira sai hanesan jerasaun rai ida ne’e, principal liu Estadu no Governu iha TL, atu iha lei Ida nebe regula labarik, atu acesu ba eskola, hetan tratamentu saude, atu labarik sira iha future bele kaer nasaun ne’e. Marcos falo