BRITES ARAÚJO – CJITL – 03 maio 2011
Ermera flash, Organizasaun husi Japaun ho naran JOICFP ou Japanese Organization For International Cooperation in Family Planing liu husi servisu hamutuk ho (UNFPA) United Nations Fund Population no Ministeriu da saude halao workshop konaba saude reprodutiva ho mane.
Workshop durante loron sorin ne'e hala'o ho joventude, lider komunidade no mos organizasaun non governamental - ONG ne'ebe servisu ba programa saude.
Aktividade ne'e hala'o iha Edificiu Uma Media Regional - UMR Ermera ho tema “oinsa involve mane iha saude reprodutiva”.
Tumoko Fukuda nu'udar reprezentante JOICF esplika katak objektivo husi workshop ne’e atu hasae mane sira nia partisipasaun iha saude Reproduktiva.
Aleinde ne’e Xefi suku Talimoro, Luis dos Santos katak programa saude reprodutivo inportante tebes ba mane sira atu bele hatene klean tanba dala barak ema koalia deit konaba saude reprodutiva feto sira.
“Laos hein deit pessoal saude mak habelar informasaun, maibe lider komunidade sira mos bele haklean liutan informasaun nebe sira hetan ba maluk sira seluk” hateten Luis Dos Santos.
Nune’e mos adjunto Saude Distrital Ermera, Florindo de Araujo hateten uluk koalia deit konaba saude reproduktiva feto no la involve mane maibe workshop ida ne'e diferente.
Partisipantes iha workshop ne’e hamutuk ema 30. (Brites Araujo/CJITL Ermera)
Sem comentários:
Enviar um comentário