CJITL – 26 abril 2011
CJITL Exlusivo, Maske ho idade ne’ebe mak sei ki'ik, tanba ekonomia uma laran la sufisiente, tanba ne’e nia iha hanoin ida hakarak buka rasik osan hodi sustenta moris Uma laran.
Antonino Francolino(12) fa’an sasan iha Estrada ninin hodi buka moris, no hodi hola sasan ne’ebe mak nia persiza.
“Hau fa’an sasan hodi buka moris, no hodi hola sasan ne’ebe mak hau persiza, hau buka osan hodi suporta hau nia a’an rasik, tanba Inan Aman la servisu” dehan Antonio.
Antonino Francolino hateten katak osan ne’ebe nia rasik hetan bele suporta ona nia escola, bele hola ona nia kadernu, lapis no farda eskola.
Antonino Francolino eskola iha SD Taibesi klase IV, sai eskola nia aproveita buka osan hodi fa’an sasan hodi sustenta ba nia moris.
“Hau lor-loron lao haleu Dili laran hodi fa’an manu tolun tasak, foray da’an” informa Antonino.
Oan husi Afonso Francolino e Terejinha de Fatima husik hela nia Inan Aman iha Bobonaro hodi buka moris iha Dili atu nune’e bele ajuda nia Inan Aman iha Bobonaro.
“Hau nia Inan Aman iha Bobonaro, hau iha ne’e hela ho hau nia Bin no Maun, osan ne’ebe mak hau hetan balun fo ba hau nia Bin sira para hodi hola sasan ne’ebe mak persiza iha uma laran” tenik Nia.(Joaquina matos & Delfina Boavida/ CJITL Internship)
Sem comentários:
Enviar um comentário