ZACARIAS ALBANO DA COSTA HO GENERAL SULEIMAN

CJITL

CJITL flash, Ministru Negósius Estranjeiros Timor-Leste nian , Zacarias Albano da Costa, iha Sabado loron 14 fulan Maio, hasoro ho Prezidente Libano, General Michel Suleiman iha Palasiu Prezidente , iha Beirute.

Depois lidera delagasaun Timor-Leste nian iha enkontru ba dahat UN Paízes Menus Dezevolvidus (LDC) iha Istanbul, ne’ebe remata iha Sexta feira liu ba, Ministru Negócius Estranjeiros Timor-Leste halao visita ba Libano. Vizita ne’e sei remata iha Tersa-feira,.Libano atu simu iha fulan Novembro primeiru grupu militar Timor-Leste nian hanesa parte kontigente Portugal ne’ebe atu partisipa iha ONU nia Misaun Paz iha Libano ( UNIFIL).

Partisipasaun husi tropas Timor oan ho total 14 husi F-FDTL, iha kontinjente Português ba UNIFL, sai topiku durante sorumutu entre Timor-Leste nia Ministru ho Prezidente Libano nian Michel Suleiman.

Libano nia Prezidente mos koalia ho’o Ministru Zacarias da Costa kona ba nesesidade atu haforsa liu tan kooperasaun entre Libano no Timor-Leste , situasaun iha Medio Oriente situasaun politika aktual iha Medio Oriente no mos explika situasaun politika iha Libano.

Ministro Zacarias da Costa mos vizita fatin Kônsul General Onoriario Timor-Leste nian iha Beirute no iha jantar ho’o membrus korpu Diplomatiku no Konsular iha Beirute.

Tuir komunikadu ne'ebe mai husi gabinete MNE katak, Ohin, Segunda-Feira dia 16, Minsitru Negósius Estrangeirus Timor-Leste nian sei hasoru nia omólugu Ali al-Sham no sei iha almosu ho emprezárius no negosiantes sira iha Beirute

Vizita Timor-Leste nian Ministru Negósius Estranjeirus ba Beirute akontense tinan rua liu depois vizita Presidente Jose Ramos Horta iha Maio 2009. (*/CJITL)