sábado, 7 de maio de 2011

Kandidatu Ba PR - “Matan Ruak: Has Seidauk Tasak Labele Ku’u Lai”




Jornal Nacional Diário – 05 maio 2011

Díli - “Komandante Geral Falintil-Forsa Defeza Timor Leste (F-FDTL) Maijor General Taur Matan Ruak deklara, konaba kandidatura sira ne’ebe atu ba compete iha eleisaun geral 2012 hodi tur nudar Presidente Republika (PR), nia laiha komentario.
 
“Hau laiha komentario ba ida ne’e, Has seidauk tasak ita ba ku uluk ne’e halo nusa, ne’e labele,”dehan Matan Ruak ho badak ba jornalista sira, Kuarta, (4/5), iha Palacio Presidensial, Aitarak Laran, Dili.
 
Oras ne’e dadauk, iha figura barak maka atu kandidata an ba tur iha kadeira Presidente Repúblika period 2012-2016, inklui kandidatura husi feto.
 
Sai uma nain

Alende ne’e, Maijor General Taur Matan Ruak mos informa katak, Tinan oin Timor Leste sai uma nain ba reuniaun entre Porsa Armadas pais CPLP ka nasaun ne’ebe koalia lian portugues.
 
“Hau informa ba Presidente kona ba reuniaun Xefe estado Maior Forsa Armadas pais CPLP nian ke tinan ohin halo iha Timor Leste (TL), deklara Matan Ruak ba jornalista sira, Kuarta (4/5), iha Palacio Presidensial, Aitarak Laran, Dili, hafoin hato’o relatoriu ba Presidente Republika Jose Ramos Horta.
 
Nia dehan, iha sorumutu ne’e koalia mos kona ba ezersiu FRELIMO,”Ita iha tinan-tinan iha ezersisiu ida ke pais sira ne’ebe koalia lian portugues halo, e iha tinan ida ne’e halo iha Angola ke ita partisipa ho ema 20,”dehan nia.
 
Nia haktuir, reuniaun sira ne’ehotu forsa armadas hanesan Brazil, Portugal no rai sira ne’ebe koalia lian portugues pronto apoiu F-FDTL.
 
Alende ne’e, Matan Ruak mos, informa ba PR Horta kona ba rekrutamentu F-FDTL foun ke lao kapas los.
 
“Informa ba Presidente katak rekrutamentu F-FDTL lao kapas los, e halo preparativus para hahu treinu nune’e to’o Dezembru hanesan ne’e tama juramentu.
 
Nia dehan, Estado Timor Leste iha rekrutamentu ida iha dadauk ne’e presiza forsas armadas 600.
 
Atu anunsia dadus membru F-FDTL nian ne’ebe liu ou laliu ba publiku, Matan Ruak afirma, Ministerio Defeza mak bele anunsia.cru

Sem comentários:

Mais lidas da semana