Negosiasaun Pipeline GS - “PR Horta Propoin Alfredo Pires Ho Alkatiri”

Jornal Nacional Diário – 05 maio 2011

Díli - “Presidente Repúblika (PR) Jose Ramos Horta deklara katak, atu halo negosiasaun ba pipeline Greater Sunrise (GS) mai Timor Leste la presiza expert husi rai liur, maibe fo deit ba sekretariu estado rekursu naturais Alfredo Pires ho eis Primeiro Ministro Mari Alkatiri.

 

Konfiansa ne’ebe PR Horta fo ba ema Timor oan, tanba nia hare kapasidade Alfredo Pires ho Mari Alkatiri kapas teb-tebes.

 

“Sr. Alfredo pires mos agora nia domina kestaun ne’e diak los, nia hateten husi laran husi liur e hamutuk ho Dr. Mari Aelkatiri ho hau nia tulun bele halo negosiasaun ne’e diak ne’ebe matenek,”tenik PR Horta ba jornalista sira, Tersa, (3/5) semana ne’e, iha Suku Asu Mau, sub distrito Remixio, Distritu Aileu.

 

‘Uluk hau propoin eis Primeiru Ministru Mari Alkatiri para halo negosiasaun ba Pipeline GS ne’e, nia (Alkatiri) simu, PM Xanana mos simu, maibe elementus balun iha koligasaun rasik mak la simu,”dehan PR.

 

Nia sublinha, kona ba negosiasaun Pipeline GS ne’e la presiza ema mai husi liur fo deit ba Timor oan tanba Timor oan mos bele matenek barak ona kona ba area refere, PR Horta haktuir, kona ba kazu Pipeline GS atu dada mai rai laran, Timor Leste unidade maka’as los laiha ida ida mak opozisaun.cru