La Selu Estado, Ministeriu Justiça Sei halo Auditoria ba Hotel Timor

CJITL

Breaking news, Governu liu husi Ministeriu Justica sei halo auditoria ba Hotel Timor, hafoin empreza ne'e seidauk selu taxa ba governu tuir akordu ne'ebe halo iha tinan 2000.

Tuir proposta reivestiment husi TimorTur ba Estadu liu Ministerio Economia e Desenvolvimento (MED),porpoen renda fulan ida ho folin US$7,500.00 (sete Mil e Quinhentos Dolares Americanos).

Tuir Ministra Justiça (MJ) Lucia Lobato iha Jornal Diariu ohin katak:” To´o agora Hotel Timor, sem selu duit mean ida ba Estadu Timor-Leste”.

“Ministeriu Justiça sei halo auditoria ba Hotel Timor, deskonfia katak durante ne’e Hotel Timor la kumpri ninia dever ne’ebe estipula iha kontratu” Lucia konfirma.

Deputado husi Komisaun C, ne´ebe trata ba asuntus ekonomika, Rui Meneses, husi PD katak “louva ba posisaun Ministra Justisa nian atu halo auditoria ba Hotel Timor”.

“Iha investores ne’ebe seriu, exemplo hanesan Timor Plaza, ne’e modelu diak ba Estado no Povo Timor-Leste. Estado fó licensa no kumpri deveres investores nian,ne’ebe sei fó beneficiu socio-ekonomika Timor-Leste” hateten Rui ba DN. (*/CJITL)