MAY DAY, NEGOSIANTE OBRIGADU TAKA LOJA

TIMOR EXPOSE – 02 maio 2011

Trabalhadores Timor Oan iha Domingu 01/05/11 halao long march iha Kapital Dili laran hodi comemora May Day, negosiantes Chinesa, Indonesia inklui Timór oan  nebe’e bai-bain kontinua halao aktividade negosiu iha loron Domingu obrigadu taka sira nia loja wainhira massa hakilar ba loja nain atu hapara aktividade negosiu iha loron refere.

Iha sorin seluk Komemorasaun loron traballador sira nian ne’e halao separadu mós, kuaze ema lubuk ida nebe’e hamahan an iha Partidu Sosialista Timór (PST) selebra mós loron ne’e iha sede PST Balide Dili.

“ Liu husi komemorasaun loron mundial ba trablladores nian Partidu sei kontinua atu defende direitu traballadores sira”. Tenik Avelino Coelho presidente PST.

Relasiona ho loron komemorasaun ba loron trablladores mundial iha mós Supermerkadu balun fó bonus $200 resin Dolares Amerikanu ba trabalahadore.

“Bonus nee fo ba traballador tolu nulu resin nebe serviso tinan ida ona”. Tenik Pras Portavos Supermerkadu Kmanek.

Entertantu instituisaun governu iha segunda feira 02/05/11 la halao aktividade hanesan bai-bain nudar atu komemorasaun mundial traballador.(af)