PM Xanana Gusmao – “100% PIPELINE SEI MAI TIMOR LESTE”

Jornal Nacional Diário – 06 maio 2011

 

Díli - “Primeiru Ministru Xanana Gusmao (PM) Kay Rala Xanana Gusmao garante ba povu Timor tomak katak, ho esforsu positive ne’ebe Timor Leste halo agora, 100% Pipeline sei mai Timor Leste, tanba ne’e rikusoin Timor nian.

 

PM Xanana Gusmao fo nia konfirmasaun tomak ba ekipa Sekretariu Estadu Rekursu Naturais no Autoridade Nasional Petroliu atu halo servisu ida ne’e, i nia fiar Pipeline sei mai Timor Leste i ne’e dalan ida deit ona.

 

“Primeiru Ministru Xanana Gusmao, dalan ba pipeline ne’e ida deit ona, i ita afirma ita nia pozisaun katak, Pipeline sei mai Timor Leste, tanba ita hare tiha ona katak, benefisiu masimu kuandu ita iha Pipeline,”haktuir sekretariu Estadu Alfredo Pires ba Jornalista sira, hafoin sorumutu konselho Ministru, Kuarta (4/5) iha Palacio do Governu.

 

Hare husi estudus no akademikas ninian, hatudu katak, laiha problemas, pipeline bele mai Timor Leste.

 

Alfredo Pires haklaken, Timor Leste hanesan nain ba pipeline, tenki mai duni rai ida ne’e, i afirma ida ne’e bazeadu ba estudu ne’ebe halo tiha ona, husi Governu Aliansa Maioria Parlamentar (AMP) lidera husi lider rejistensia kay Rala Xanana Gusmao iha fiar 100% ba ekipa autoridade Nasional Petroliu, hodi halo negosiasaun ba Pipeline, tanba sira nudar Timor oan iha matenek hodi defende pipeline no dada pipeline mai Timor Leste.

 

“Prosesu negosiasaun ohin loron ita lao nafatin i koalia tiha ona katak, tuir tratadu no dokumentus ne’ebe iha, ita tenki deskute asuntu hotu, atu hare tok direitu sira hotu, tenki bazeia ba baze legal,”katak Alfredo Pires, Alfredo Pires koalia, iha parte balin hare diak liuba pabrika ida namleleno ba Darwin, maibe Timor Leste defende nafatin katak, Pipeline tenki mai Timor Leste.

 

“Governu ne’e laos atu halo promesa deit, maibe esforsu ba kadoras 100% maximu tenki mai Timor Leste sei la muda to’o Governu ne’e nia rohan iha 2012, argumentu ne’e sei forte nafatin ,”garante Alfredo Pires.das