TIMOR OAN IHA KUBA LORI BANDEIRA TL NO KUBA IHA DALAN

VAZ FATIMA, Kuba – CJITL - 05 maio 2011

Kuba flash, iha  Domingo, loron primero fulan maio tinan 2011  comunidades cubanos tomak celebra loron ida neé  hanesan loron internacional ba trabalhadores  iha cuba, nasaun latino americanos ne'e selebra ho marca hale'u sidade.

Estudante medicina Timor oan nebe oras neé estadia iha Municipio Moron, Provincia Ciego de Avila participa mos iha desfilhe nebe halao foin lalais neé iha cidade Moron.

Desfilhe nebe ho distancia ou naruk cuaze 10 km  hetan participasaun makaas husi comunidades municipio moron nian  hanesan trabalhadores tomak husi instituisaun areas hot-hotu nian, juventude, militantes partidos políticos, estudantes cubanos  inklui mos estudante estranjeiros hanesan Timor oan,  latinoamericanos nian, nuneé mos estudante  husi africa nian balun, mas ou menus ema  hamutuk besik 1500 resin.

Alein de desfilhe ba loron trabalhadores nian komemora mos loron aniversario ba asalto Estados Unidos ba  Playa Giron ba tinan 50, nuneé mos tinan 50  cuba libre husi analfabetizasaun.

Primero secretario partido comunista municipio morón nian,  depois de desfilhe haktuir ba membro CJITL nian iha Cuba katak nia contente tebes ho partipasaun estudante extrajero mak hanesan Timor Leste nebe mak hola parte mos iha acto neé,  fo sentido solidaridade, amizade no valor de agradecimiento ba povu cubanu tomak. (Vaz Fatima/CJITL Kuba)