CJITL flash, Tuir komunikadu imprensa ne'ebe CJITL online simu husi organizasaun Judicial System Monitoring Program – JSMP, hakerek katak iha fulan Abril, tinan ida ne'e Tribunal Distrital Dili rezolve kaju uniku ida ne'ebe julgamentu la'o deit durante minutu 24.
Iha loron Tersa-feira, 12 Abril, Tribunál Distritál Dili, iha tuku 16.00 OTL, hala’ó julgamentu ba kazu sivíl ne'ebe La'en hakarak husu divorsiu ba fen, maske moris hamutuk kleur ona ho oan na'in lima.
Juis ne’ebé lidera prosesu julgamentu ne’e mak Juiza Rosa Brandão, Internasionál, Antonio Fonseca, nasionál no Jose Gonçalves, nasionál.
Parte defeza ba parte autór akompaña husi Marcelo Tonus, internasionál no parte reo akompaña husi Olga Barreto.
Prosesu julgamentu hamósu akordaun husi parte rua konabá oinsa responsabilidade paternal ba oan sira.
Reo no autór iha oan nain 5 ne’ebé nain 4 eskola no nain ida seidauk eskola.
Husi oan nain 5, responsabilidade aman ba oan nain 3 no inan nain 2.
Durante ne’e familia ne’e dependente ekonomikamente ba aman.
Tanbá ne’e maka tuir desizaun tribunál nian defini katak aman tenki responsabiliza ba nesisidade oan nain 2 ne’ebé tuir inan maka kada fulan USD 20,00.
Maibé la taka dalan ba aman sei iha kbiit atu hakonu nesesidade sasan seluk ba iha oan nain 2 ne’e.
Prosesu julgamentu ba kazu ida ne’e minutu 24 deit, tanbá mós parte rua kolabora diak iha prosesu julgamemtu laran. (*/CJITL)
.jfif)
.jfif){kind=spacer}
Sem comentários:
Enviar um comentário