DÍLI - Komunidade Aldeia Rai Nain, Suku Bairo Pite, Sub Distritu Don Aleixo, Distritu Dili, komesa iha hikas espektasaun no kontente tebes ho prezensa Kandidatu Prezidente Republika Fernando La Sama Araujo iha sira nia aldeia.
Lasama marka prezensa iha Aldeia Rai Nain ho kapasitas hanesan prezidente Partidu Demokrat (PD), hodi fo tomada de pose estrutura partidu nian, maibe lori mos benefisiu ba komunidade Aldeia nee en jeral. Prezensa Prezidente PN Segundu lejislativa nee laos atu fo pose deit estrutura PD, maibe biban mos atu haree situasaun nebe komunidade sira hasoru durante tinan hirak nee, liu-liu estrada.
Komunidade Rai Nain durante tinan barak susar tebes asesu ba transporte publiku, maske aldeia nee parte ida husi sidade Dili, transporte publiku hanesan taksi tama iha area nee hanesan mehi ida, tanba kondisaun estrada grave tebes.
Aldeia Rai Nain iha tempu okupasaun Indonesia, tama iha area izoladu no risku ba seguransa, komunidade iha aldeia nee foin hetan hikas naroman hodi asesu ba estrada, iha tempu Abilio Osorio Soares hanesan gubernadur. Maibe estrada hirak la biban taka alkatraun, tanba mudansa estatutu politika rai nee liu husi referendu 1999.
Kondisaun estrada nebe Abilio Osorio fornese ba komunidade sira iha aldeia nee, agora nakfilak ba kolam renang, tanba bee nalihun hodi difikulta komunidade asesu ba transporte publiku.
Liu husi intervensaun Kandidatura PR Fernando Lasama nian ho fornesementu raihenek karada 120, konsege halakon kolam renang no bee nalihun hirak nee sai estrada nebe kaber hodi fasilita komunidade asesu ba transporte publiku.
Graciana Xavier, sente kontente ho intervensaun Lasama nian ba estrada iha Aldeia Rai Nain. Tuir nia estrada durante nee sai problema boot, dalabarak husu ba governu tantu iha governu anterior Fretilin no AMP, maibe nunka hetan atensaun. Prezensa kandidatu PR Lasama lori mudnasa ba komunidade iha aldeia nee, tanba bele hatetuk Estrada kuak no bee nalihun, nebe sai bareira ba sira maske laos alktraun. “Ba ami atiru deit ho raihenek nee sorti boot, tanba tinan sanulu resin, estrada sai bareira ba ami hanesan ema nebe hela iha area izoladu,” hatete Graciana ba STL iha nia hela Fatin, aldeia Rai Nain, Segunda (27/2).
Kanprez Lasama rekoinese duni komunidade Aldeia Rai Nain hasoru duni problema boot iha area estrada, tan nee wainhira fo tomada de pose ba estrutura partidu nian iha aldeia nee konsege asisti ho matan kondisaun estrada nebe sira hasoru. “Komunidade aldeia nee “licik” ituan, bainhira sira haree hau ba, sira trava hau iha bee nalihun ho sira nia oan, mas hau sente duni saida mak sira hasoru, tan nee hau tenta ajuda sira hatetuk bee nalihun iha sira nia Estrada,” hatete.
Lasama konsidera nee hanesan inisitiva ida diak. Inisiativa hirak nee tuir nia simples ho kustu ituan, maibe benefisiu boot ba povu nebe hein hela atu sai husi situasaun nee. Inisiativa hirak nee lolos ema nebe iha kbiit bele halo, maibe ema laiha inisiativa, tan nee estrada kuak iha kintu kantu hodi hamosu deskontentamentu ba povu rai nee.
Atividade atiru raihenek nee, sai nutisia boot ba komunidade iha Aldeia Rai Nain, inisiu komunidade la fiar ho promesa Lasama nian, maibe depois dadersan, kareta baskolantes sira komesa lori raihenek ba fakar iha estrada nebe bee nalihu, komunidade sira komesa bolu malu hodi haree direistamente saida mak akontese iha estrada. Iventu nee sai mos biban ba komunidade sira hodi eskpresa sira nia sentementu kontente ho fotogradia Lasama nian nudar figura nebe merese atu sai PR periodu 2012-2017 iha rai doben Timor Leste.
Juana (komunidade) hatete, rai ida nee presiza figura nebe iha atensan boot ba povu, laos promesa deit lalehan ba povu, mas ikus mai ukun nain sira mesak goza, maibe halo netik buat ruma hodi responde preokupasaun povu nian konaba dezenvolmentu. “Ita haree tinan-tinan orsamentu jeral estadu boot tebes, maibe ezekusaun orsamentu la klaru. Ami nia Estrada nee kuak tinan ba tinan, eskola lahuk daudauk ona, maibe nunka hadia”. din
Sem comentários:
Enviar um comentário