POLITIKA UDT, FO APOIU BA TAUR MATAN RUAK

Suara Timor Lorosae

DÍLI - Politika Partidu União Democràtica Timorense (UDT), husi Distritu 13, Sabadu (25/2), hola ona desizaun hodi apoiu Kandidatu Prezidensial (Kanprez), Taur Matan Ruak (TMR).

Desizaun ne'ebe foti liu husi ikontru nasional ne'ebe involve estrutura distritu, no nasional, iha Sede, UDT, Palapasu, Dili. Iha ikontru ida mos, Prezidenti UDT, Gilman A. E Santos fo mos pose ba membru superior konselhu Partidu UDR nian ne'ebe hamutuk ema 100, atu bele servisu makaas liu hodi hasoru eleisaun jeral 2012.

Tuir, Presidente Partidu UDT, Gilman A. E Santos fo sai sira nia deklasaun politika kona ba desizaun partidu hodi fo apoiu ba KANPREZ, TMR. Razaun husi UDT liu husi konfesensi imprensa, hatere katak, sira sei vota ba Raur Matan Ruak.

Iha deklara ba iha publiku katak UDT fo apoiu ba KANPREZ Maijor Jeneral, Taur Matan Ruak, atu sai prezidente Republik ba periodu 20123-2017.

Ne'eduni lideransa UDT tomak husu ba hot-hotu hodi fo hanoin ba filiadus, militante, no simpatizantes UDT nian atu atu partisipa ativamente ba kampainha no vota ba kandidatura ne'ebe dirresaun politika UDT hili tiha ona, TMR maka sira nia Kanprez.

Nia mos informa katak, votu sekretu, partidu UDT respeitu nafatin opsaun individual maske la prejudika prinsipiu konsensual atu apoiu espresu no publikamente ba kandidatu Maijor Jeneral Taur Matan Ruak.

Konselhu superior Politika UDT, nian diskuti tan asuntu kona ba eleisaun parlamentar ne'ebe sei halao iha fulan junhu tinan ida ne'e, ho objetivu no determinasaun atu hetan fatin ne'ebe iha direitu hanesan mos partidu historiku iha parlamentu nasional no mos iha Timor oan tomak nia moris.

Razaun ne'ebe fo apoiu ba TMR, nia nudar ema jeneral ida no sei ativu, nia husik hela instituisaun F-FDTL para hodi sai president atu bele hare diak liu tan, liliu ba povu ki'ik no kiak, atu bele hadia diak liu tan povu nian.

"Ami mos konsidera nia hanesan, komandante bo'ot ida iha Falintil, durante restensia depois no mos kaer kargu ida iha instituisaun F-FDTL, no nia konsidera partidu UDT hanesan partidu historiku ida. Tanba Taur Matan Ruak mos durante fo nia moral ba iha partidu UDT atu lao ba oin nafatin," nia hatete.

"Ami konsidera Jenderal Taur Matan Ruak hanesan, kaben ho vitima UDT ida nia oan feto, tanba ida ne'e maka ami fo apoiu tomak ba iha TMR, fo esperansa ida katak, ema ida ne'ebe lidera funu nia mos sempre iha karisma kaer ukun nudar prezidente Republika atu bele hare timor oan tomak," hatete Prezidente UDT.

Alende ida ne'e, sira mos hakarak fo informassaun deit kona ba, kandidatu ba deputadu husi Partidu UDT ba iha eleisaun 2012, kada distritu ida maka hetan fatin iha Parlamentu, laos ema husi nasional maka tu'ur iha parlamentu maibe ema ne'ebe iha distritu ne'e maka ba tu'ur iha parlamentu.

Ne'eduni nia espera katak iha eleisaun parlamentar nia UDT sei hetan kadeia 3 ou 5 hodi reprezrnta povu iha uma fukun parlamentu nasional. Ne'eduni ho tomada de posse ba iha direisaun nasional 11, konselhu juridisaun ema 1, direisaun distrital hamutuk 13, husi koordenador jovenmtudi distritu hamutuk ema 13, husi katuas sira hamutuk 13, husi reprezentante feto hamutuk ema 13, no mos husi komisaun avaliamentu dadus ba vitima UDT nian hamutuk ema 16, inklui mos parte social nian hamutuk ema 14, sira ne'e maka sei servisu makaas oinsa UDT nia ema bele ba tu'ut iha Parlamentu Nasional. car

* PÁGINA GLOBAL TAMBÉM EM TÉTUM DURANTE O PERÍODO ELEITORAL