ESTRADA GOULOLO PRESIZA ATENSAUN GOVERNU

JOSEFA PARADA – SUARA TIMOR LOROSAE – 04 maio 2011

MALIANA - Estrada ba area Suku Goulolo, Sub Distritu Cailako, Bobonaro, ninia kondisaun oras nee kasian tebes ba transporte. Husi rohan ba rohan, dalan kuak-kuak, parte balu dodok no monu. Kondisaun ne’e defikulta tebes transporte publiku ba Goulolo, atu nunee ajuda povu lori sira nia produtu ba mercado. 

“Tamba nee ami husu governu atensaun governu para bele hadia kondisaun estrada ba ami nia area suku,” hatete Xefi Suku Goulolo, Faustino Maubere ba STL foin lalais ne’e iha Goulolo.

Kontajen komunidade Goulolo oras nee hamutuk  263 xefi familia, ho total komunidade hamutuk nain 1.114. Ho numeru nee, Maubere husu governu tau matan ba kondisaun estrada suku refere, atu nunee bele fasilita komunidade para lori sira nia produtu ba mercado. “Sekarik iha OJE 2012, bele fo atensaun ba komunidade Goulolo hodi hadia kondisaun estrada ba Goulolo”. Durante nee komunidade Goulolo sente araska ba asesu merkadu ria no wainhira atú halaó viazen ruma ba fatin seluk tamba kuandu tempu udan Estrada sira ne’e ema labele liu atú nune’e bele halaó sira nia viazen.

Iha fatin hanesan, Alfredo do Rosario, (Comunidade Goulolo), hateten katak durannte ne’e Governu la tau atensaun duni ba Estrada ne’ebe liga entre Sub_Distritu Cailaku too suco Goulolo nian.

Tamba ne’e nia parte husu ba Governu atú nune’e bele hadia Estrada ne’ebe liga Sub-Distritu Cailaku atú nune’e sira bele lori sira nia produtu ne’e ba merkadoria. “Ami iha ne’e los duni, Governu la tau atensaun ba ami nia Estrada ne’e tamba ne’e wainhira ami lori produtu ne’e ba merkadoria sente susar,” nia esplika.

Nune’e mós, Arlindo Maria Nunes (Juventude) hateten katak, durante ne’e sira sente araska tamba sira atú halaó sira nia viazen ba fatin ruma araska tamba sira nia Estrada ne’e.

“ ami nia Estrada ne’e at duni, ne’ebe husu ba Governu atú nune’e bele hadia atú nune’e ami bele halaó ami nia aktividade, liu-liu ba ferik katúas sira atú asesu merkadoria nian,” haktuir nia.

Franciso Martins (Estudante), hateten katak durante ne’e sira hanesan estudante sente triste tamba sira nia Estrada ne’e at hela atú nune’e sira halaó sira nia viazen ba Distritu hodi halaó sira nia eskola mós araska.

Tamba ne’e nia parte husu ba Governu atú  nune’e bele buka meius oinsa para bele hadia Estrada ne’e lalais atú nune’e sira bele ba eskola ho diak, nune’e mós sira bele fila ba sira nia hela fatin wainhira tempo ferias ruma ka atú ba foti buat ruma iha sira nia inan aman hanesan osan ou sasan ruma hodi uja nian. Pri