quarta-feira, 25 de maio de 2011

GOVERNU LA FO VALOR BA TRAJEDIA 25 MAIU




JOSEFA PARADA – SUARA TIMOR LOROSAE

DILI—Familia vitima husi Polisia Nasional Timor Leste (PNTL), Kuarta (25/5), tau aifunan no sunu lilin ba iha monumentu trajedia 25 de Maiu, ho triste tebes, tanba membru governu ida nunka partisipa iha serimonia ne’e.

“Ami triste tebes, tanba hau nia kaben mate laos tanba halimar deit maka mate, maibe nia mate atu defende nasaun ida ne’e,maibe to nia lorn atu tau aifunan no sunu lilin membru governu ida mai asiste, ida ne’e maka halo ami nia laran kanek tebes,” hatete Felisberta husi familia matebian.

Iha oprtunidade ida ne’e, Rosalina Ximenes haktuir mos katak, bainhira hari monument ida ne’e, governu tinan-tinan sei halo serimonia hodi hanoin hikas membru PNTL sira ne’ebe mate ho farda iha fatin ida ne’e hodi defende nasaun.

“Uluk sira promete mai ami, katak tinan-tinan governu sei hamutuk ho ami atu mai iha fatin ida ne’e, maibe ohin realidade nunka ida partisipa, senifika katak sierra ne’ebe mate ne’e laiha folin,” nia informa.

Iha fatin hanesan, bainhira atu kari aifunan no sunu lilin ba monumentu trajedia 25 de Maiu, Komandante Interinu, Servisu Investigasaun Kriminal (SIC), Calistro Gonzaga fo sai nia lia menon katak, komandan Jeral PNTL ho nia Adjuntu labele asiste iha serimonia ida ne’e, tanba iha servisu importante seluk maka atu halo.

" Ne’eduni ohin hau ho hau nia kolega polisia sira ne’ebe maka ohin partisipa iha ne’e maka atu akonpainha hodi kari aifunan no sunu lilin ba iha heroi sira ne’ebe mate iha fatin ida ne’e,” hatete Calistro. Oscar Salsinha

Sem comentários:

Mais lidas da semana