JOSE LUIS LIVRE HUSI TRIBUNAL

CJITL

CJITL Flash, Vice Primeiru Ministru Jose Luis livre husi Tribunal, Segunda 09/5 Tribunal Distrital Dili foti desizaun ida ne’e tanba akuzasaun ne’ebe Ministeriu Publiku aprezenta laiha baze legal.

Desizaun ne’e foti husi juis panel ne’ebe kompostu husi juis Prezidente Joao Ribeiro ho membru nain rua Alvaro freitas ho Joaa velgar ne’ebe mak sai nudar prokurador ba kazu ne’e, diriji dereitamente husi xefi prokurador Distritu Dili, Qderito Tilman,centertantu ekipa advogadu ba arguido Jose Luis mak Sergio Hornai no Cancio Xavier husi defensor publiku.

Hafoin rona tihan desizaun livre husi Tribunal Jose Luis Guterres hateten ita hotu halo politika ho diferensia opiniaun maibe labele akuja malu arbiru, no labele hatun ema nia karakter tanba ida ne’e todan teb-tebes.

Jose Luis mos hato’o nia respeitu tomak ba tribunal ne’ebe mak foti ona nia kazu.

“Hau simu ho respeitu ho respeitu desizaun ida ne’e para bele hatudu ezemplu ba ita tomak, ba ita nia populasaun ne’ebe buka Justisa” dehan Jose Luis.

Prosesu julgamentu ne’e rasik bajeia ba ajenda ne’ebe tribunal fo sai,lolos hahu iha tuku 14.00 OTL, maibe realize prosesu julgamentu ne’e komesa fali tuku 14.30 OTLmaske Jose Luis rasik to’o ona tribunal iha tuku 13.30 OTL hodi tuur iha aula Julgamentu, hodi hein prosesu julgamentu, julgamentu ba kazu ne’e remata iha tuku 15.40 OTL.

Liu husi prosesu julgamentu juis Prezidente Joao Ribeiro ne’ebe mak le’e karta desizaun ne’e fosai katak laiha baze legal husi akuzasaun Ministerio Publiku nian konaba abuzu poder poder no indikasaun hahalok korupsdaun, ne’ebe mak diskunfia involve arguidu Jose Luis Guterres, Joao Camara no Ana Maria Varela.

Bajeia ba faktus ne’ebe iha no deklarasaun husi arguido Jose Luis Guterres durante prosesu julgamentu hateten iha tinan 2002-2006, sai nudar embaixador iha nova Yorke, no nia kaben Ana Maria ho nia oan nain rua mos hela iha Nova Yorke, maibe iha 2006 Jose Ramos Horta atual atual prezidente Republika bolu arguidu Jose Luis hodi mai Timor Leste kaer kargu nudar MNE iha segundu Governu konstitusional.

Iha julgamentu ne’e partisipa husi sekretariu Estadu Rejiaun Otonomia Oecusse, Jorge Teme, Sekretariu Estadu Defeza Julio Thomas Pinto, Deputadu husi bankada PD Rui Menezes no Adriano do Nascimento, deputadu husi Bankada CNRT mak Natalino dos santos no Sekjen CNRT Deonisio Babo, nomos Militante no simpatizantes partidu Fretlin Mudansa. (*/CJITL)