Kazu Ministru Arcangelo Leite, Leite : “Hau Sidauk Simu Karta Husi Tribunal”

JOSEFA PARADA – SUARA TIMOR LOROSAE – 10 maio 2011

DILI – Ministru Administrasaun Estatal no Ordenamentu Territorial (MAEOT), Arcangelo Leite ba STL iha PN, Segunda (19/4), afirma katak to’o agora nia sidauk simu karta notifikasaun husi Tribunal Distrital Baucau maibe nia parte sei kolabora hamutuk ho justisa no prontu tuir prosesu to hotu.

“ Nudar sidadaun tenki kumpri lei no tenki prontu kolabora ho justisa no hau prontu ona ho ida ne’e, Hau tuir prosesu nebe maka iha, hau hetan ona akuzasaun husi prokurador mais hau sidauk hetan karta notifikasaun husi Tribunal, nebe hau hein hela bainhira maka hau simu notifikasaun husi Tribunal Distrital Baucau,” hateten Arcangelo.

Wainhira STL husu ba Ministru Arcangelo Leite  konaba kronologia kazu Ministru nian ne’e, husi parte Ministru rasik hateten katak  Kazu ne’e rasik katak Ministru Arcangelo Leite akontese iha Fulan Junhu tinan 2009. Maibe to’o ikus mai Ministru ne’e hateten katak fo-foun akuzasaun ne’e halo ba nia ho halo krimi korupsaun mais iha akuzasaun final husi prokurador laos ona krimi korupsaun. Tuir Arcangelo Leite katak kazu ne’e atu tendensia politika no lae nia deklara ona katak hanesan sidadaun tenki respeita lei no kopera ho justisa.

Tuir Deputadu Aderito Hugo da Costa husi bankada CNRT, komenta katak  Tribunal hato’o notifikasaun hatudu karta ida mai PN hanesan bai-bain kazu membru governu Ministru Arcangelo de Jesus Gouvia Leite iha Baucau ninian.

 
Liafuan hanesan mos hato’o husi Deputada Gertrudes Moniz husi PD tenik katak konaba kazu Ministru ESTETAL, Ministru sidauk simu karta notifikasaun husi Tribunal Distrital Baucau. Tanba ne’e deputadus sira hare katak mesmu atu hasai Ministru Arcangelo Leite nia imunidade, Ministru nain sidauk hatene katak Gertrudes nia sala saida tanba nia sidauk hetan notifikasaun husi Tribunal Distrital Baucau mesmu PN hetan ona karta notifikasaun.

 
“ Ami husu ba Tribunal atu hato’o karta notifikasaun dereitamente ba Ministru Arcangelo Leite nebe sai hanesan akuzadu ba problema ida ne’e,” tenik Gertrudes.  

Entretantu, tuir deputadu Elizario Ferreira husi bankada FRETILIN hatete katak agora da-daun ne’e sei koalia kazu katak Elizario ne’e komesa dun malu. Nia fo ezemplu kazu VPM Jose Luis Guterres akontese katak suspensaun ema bolu dehan suspensaun oras sorin. Ne’e kuandu iha Tribunal akontese maka ema tu julga ne’e sei kuandu ema fo sitensa karik ne’e ema fo ba governu laos fo ba sidadaun ida, problema ida seluk dehan Elizario AMP sira prevei katak diak liu iha suspensaun.

“ sei suspensaun iha husi ne’e ba oin membru governu barak sei ba forma barak iha Tribunal no governu sei mamuk no monu rasik deit, tanba ne’e maka sira tauk liu ida ne’e entaun suspensaun diak liu keta iha tanba kazu barak maka haruka tena ba Ministriu Publiku,” komenta Elizario.

Tuir Presidente Komisaun I PN Asuntu Regulamentu Interna, Etika no Mandati Deputadus, Maria Fernanda Lay informa katak konaba kazu Ministru Arcangelo Leite ninia kazu hanesan lolos ho VPM Jose Luis Guterres nebe atraves  rezulusaun nebe deputadus sira sei vota ba rezulusaun katak Lay nen prosesu.

“ Lei rasik faltas faze subsiskraun nebe arguidu bele depende nia a’an tanba ami nia paraser tekniku sei plenaria suberanu propoin katak politikamente tenki haruka nia ba konserteza ami sei vota ba asuntu ne’e,” katak Lay. Jaime do Rosario