“PM XANANA HAHU BOK FUNDU INFRA-ESTRUTURA”

Jornal Nacional Diário – 06 maio 2011

Díli - “Primeiru Ministru Xanana Gusmao hahu bok an dadaun, hodi orienta Ministeriu sira ba fundu infra-estrutura nian, para hatama lalais dokumentus projeitu nian. Orientasaun PM nudar mos Presidente Konselho Administrasaun Fundus Infra-Estrutura ba membru governu sira, halao iha Palacio do Governu, kinta (5/5).

 

Hafoin sorumutuk, Ministra Justica Lucia Lobato haktuir ba Jornalista Diario ne’e katak, sira hanesan membru ba konselhu ne’e, sira komesa koalia konaba fundus infraestrutura nian.

 

“Ohin dadersan (horsehik) koalia konaba projeitu sira ne’ebeMinisteriu sira hatama, hodi aprova ona, para hatama ba tender,”katak Ministra Justica Lucia Lobato, ministra Lucia koalia, iha projektu barak, projektu fiziku no seluk tan, konselhu tenki reuniu no tenki hare, hodi haruka ba ajensia dezenvolvimentu Nasional (ADN), tanba sira mak sei hare fila fali dejenhus sira ne’e, los ona ka lae no prosesu sira los ona ka lae, nune’e mos ba fatin.

 

“Hodi nune’etempo badak bele lansa ba tender, tanba iha projeitu barak, bot-boot ne’ebe atu ba tender ne’e, ami koalia ona, ida ne’e sei hare ba ministeriu ida-idak ninian, maizomenus Junho no Julhu sira ne’e komesa hahu halo ona,”haklaken Ministra Justica Lucia Lobato.das