terça-feira, 10 de maio de 2011

Santino: JANUARIO PEREIRA HALO HAU NIA TELEVIZAUN KEIMA




DOMINGOS DA SILVA – CJITL – 09 maio 2011

Dili Flash, “Sekertario Estadu Elektrisidade Aqua e Urbanizasaun Januario Pereira maka halo hau nia televizaun keima tanba la iha kapasidade atu kontrola elektrisidade,”dehan vitima Santino Dare Matias ba online CJITL,  Sabadu, (7/5) iha pantai kelapa, Dili.

Vitima ne’e hatutan, iha loron Sabadu ne’e tuir orariu iha dader to’o meudia la loke televizaun, maibe tanba iha kuaze tuku 10 :00 dader ba leten ih kanal  TVOne sei hatudu sai tinju entre boxista Philipina Many Paqieo tan ne'e obriga nia atu asiste, maibe bainhira loke TV, derepenti tarutu tanba ahi eletrisidade lakan tun sae, no laiha avizu ba kliente sira antes nune'e halo TV keima kedan.

Vitima hatutan, depois loke televizaun la kleur deit televizaun ne’e ninia lakan komesa nakdoko no lakon to’o mate deit, su'ar sai husi televizaun nia hanesan ahi han fiu, ho ida ne’e mak televizaun keima tiha.

Vitima mos tenta husu ba vizinhu sira mos sai vitima tutan, ihan vizinhu ne’e nia sanyo hodi dada be’e nia mos keima hotu.

“EDTL liu – liu Sekretariu Estado Januario tenki responsabilidade ba sira nia failhansu at ne’e, hau fiar katak iha ema barak mak sai vitima iha loron Sabadu ne’e. Kuaze kliente parte Comoro mak sai vitima,” Santino kestiona. (Domingos da Silva/CJITL)

Sem comentários:

Mais lidas da semana