“PN APROVA ORSAMENTU PRIVATIVU 15 MILOENS”

Jornal Timor Post - Kinta, 15 Setembru 2011, iha Timor Hau Nian Doben

Dili - Parlamentu Nasional (PN) iha Kuarta (14/09), aprova ona orsamentu Privativu ba terseiru lejislatura ho montante U$15 Miloens.

Orsamentu parlamentu ne’ebe aprova iha plenaria extraordinario ne’e maske iha pro-kontra, maibe laiha proposta ne’ebe debate hodi halo alterasaun ba Proposta orsamentu privativu.

Iha votasaun ba proposta orsamentu ne’e, hetanvotus afavor 35, kontra 3 no abstensaun 9, signifika katak, orsamentu provativu pasa ho votus maioria.

Prezidente Parlamentu nasional Fernando ‘Lasama’ de Araujo ba jornalista sira katak, orsamentu ne’ebe propoin ne’e inklui mos atu sosa kareta ne’ebe membru Parlamentu Nasional sira atu uza, no kareta ne’ebe Membru PN sira uza agora, sei lelaun ba publiku.

Xefi lejislativu ne’e, haktuir ba diskusaun orsamentu privativu, mosu hanoin ne’ebe kontra malu, deputadu balun hakarak sosa kedas kareta no motor ba terseiru lezislatura, maibe iha balun ne’ebe hakarak osan ne’ebe aprova ne’e tau deit depois maka deputadu foun deside.

“Atu sosa kareta ne’e, ami konselu administrasaun parlamentu, reuni mak it abele haree, no tuir tender ne’ebe mak transparante no sei halo diak liu tan buat ne’ebe ita halo agora ne’e,” dehan Lasama, ne’ebe hanesan konselhu Parlamentu nasional.

Aliened ne’e, Xefi Bancada FRETILIN Aniceto Guterres hateten, realidade hatudu katak, maske oras ne’e deputadu hamutuk 22 maka la simu kareta maibe dignidade Parlamentu la monu.

“Deputadu sira husi FRETILIN la simu kareta mos fo kontribui ba parlamentu ne’e, agora, oinsa it abele obriga lejislatura mai ne’e atu bele simu kareta? Se aban bain rua deputadu sira balun lakohi simu kareta ne’e, karik nusa?,” Aniceto Informa.