CJITL
Rezultadu enkontru Komite Sentral FRETILIN iha Canossa Becora, partisipa mos husi estruturas mai Komisaun Politika Distritus husi distritus 13 no 65 sub-distritais deside atu fo apoiu tomak ba Francisco Guterres Lu-Olo Prezidente FRETILIN atu kandidata an nudar kandidatu ba Prezidente RDTL iha eleisaun Prezidensial iha tinan 2012.
Tuir Vice Prezidente Fretilin, Arsenio Bano iha nia pagina Facebook hakerek katak Prezidente FRETILIN Lu-Olo, agradese apoiu husi kuadrus FRETILIN tomak nebe deklara sira nia apoiu ba nia atu kandidata an nudar Kandidatu ba Prezidente FRETILIN iha enkontru CCF nee, maibe Prezidente Lu-Olo husu tempu semana rua atu deside no hanoin alternativas seluk molok FRETILIN anunsia nia kandidatu ba Prezidente RDTL.
Hamutuk ho Sekretariu Jeral, Prezidente Lu-Olo hakarak deskuti no hato resultadu iha semana rua nia laran ba Kuadrus FRETILIN tomak.
Arsenio Bano hakerek katak iha Semana rua nia laran Prezidente Lu-Olo no Secretariu Jeral FRETILIN sei tenta hasoru mos ho Taur Matan Ruak (TMR) hodi hatene lolos Kandidatu TMR nian no kazu iha Kandidatu FRETILIN nian ba PR. (Amandio Magno/CJITL)
Sem comentários:
Enviar um comentário