Marta da Costa – Radio Liberdade
Radio, online – Sosiedade Sivil ne’ebe hare liu ba area seguransa no defeza, Fundasau Mahein (FM) konsedera stetmentu Komisairiu PNTL, Longuinhos Monteiru dehan durante eleisaun ema ne’ebe atu halo disturbu sei tiru mate iha fatin. Stetmentu ne’e kontra lei no bele hamosu ditadura iha nasaun ne’e.
Diretor FM Nelson Belo dehan stetmentu Komandante PNTL nian ne’e sei fo impaktu bo’ot ba sidadaun iha rai ida ne’e. Tamba membru PNTL balun agora dadaun sala klilak barak ona.
“Hau dehan impakto bo’ot tebes tamba iha 2008 ne’e estado desitui la iha autorizasaun atu tiru ema ne’ebe halo violensia. Longuinhos hanean figura, labele provoka violensia iha tinan 24 nia laran, ita vitima ba kilat maibe tamba sa mak Longuinhos fo orden ba polisia atu tiru ema halo violensia.
Entaun ita nia lei ba ne’ebe tina ona, no tamba sa mak membru PNTL sira lor-loron halai treinu fiziku,”Nelson kestiona.
Tuir FM, polisia nia knar atu halo protesaun, laos atu uza kilat hodi hatauk ema. Polisia komunitario la halo knar diak tamba ne’e komunidade seidauk besik ba polisia, tamba ne’e mak violesia akontese bebeik.
.jfif)
.webp)
Sem comentários:
Enviar um comentário