Taur Konsedera Lei Veteranus Diskriminativo no La Justu

Acasio Pinto – Rádio Liberdade

Radio, online – Iha premeira kampanha politika Kandidatu Prezidenti, Taur Matan Ruak (TMR) fo sai nia politika hodi dehan lei veteranus halo diskriminasaun ba vetereanus sira no la justu.

Lansamentu premeira kampania eis General fitun rua ne’e halao iha Komoro, kampo Dom Bosco Kuarta, (29/2).

“Mai ita hamutuk hodi muda lei Veteranus ne’e agora tamba halo diskriminisaun,Taur komenta.

Tuir Taur, lei ne’ebe difinittivu konaba Veteranus nian iha Konstituasaun RDTL ne’e la justu no halo diskriminasaun ba veteranus sira tamba balun to’o agora seidauk hetan nia diretu.

Taur mos konfesa ba militantes kuaze rihun resin dehan, “imi la iha ami mate tia ona, tamba ne’e mai ita hamutuk para ita halo mundansa ba lei tamba la justo no halo diskriminisaun ba antigos kombatentes da libertasaun nasional,”.

Taur mos dehan wainhira General ida husik nia kargu hodi hakiduk ba kotuk hanoin povu. Tuir Taur motivasaun iha kandiadtu ne’e laos buka kadera, maibe nafatin hatudu iha tinan 24 nia laran hodi servi povu ho nasaun ne’e to’o mate.

Relasiona ho desizaun governu liu husi Ministeiru da Justisa hasai povu husi nia hela fatin hanesan tau ema Timor oan la iha la Iha Dignidade

Taur husu atu labele lori Polisia hasai ema husi nia hela fatin hanesan animal ne’e halo Taur moe no trsiti.

Taur hato’o kestaun ne’e relasiona problemas disputa rai iha bairo Dos Girilius.

“Ita mak hari nasaun ne’e, nasaun ne’e laos monu husi Lalehan. Primeira ves iha istoria katuas ho oan kiak sira organiza-an hasoru hau, ne’e hau moe tamba problemas rai. Ita labele halo diskriminasaun ba povu,”Taur apela.

Iha kampania eleitoral ne’e simpatizante no militante Taur lori bandeira partido CNRT ho foto Kay Rala Xanana Gusmao ho espanduk bo’ot ho hakerek

“Uluk ho imi, fakar ran ba ukun an. Fila fali ho imi hisik kosar ba moris diak”

Tuir agenda segundu kampania kandidatura prezidensial ne’e sei halao iha Distritu Liquica.

PÁGINA GLOBAL TAMBÉM EM TÉTUM DURANTE O PERÍODO ELEITORAL

Leia mais sobre Timor-Leste - use os símbolos da barra lateral para se ligar aos países lusófonos pretendidos.

ELEITORES TIMORENSES: PARTICIPEM NA SONDAGEM “VOTO PARA PR DE TIMOR-LESTE”, na barra lateral