MARIANO DA CONCEIÇÃO – CJITL – 26 abril 2011
Indonezia flash, Estudantes Timor oan husi Distritu Ermera ne'ebe halibur an hamutuk iha Organizasaun Klibur Estudante Ermera Java Leste no Jogjakarta realiza selebrasaun paskoa 2011 hamutuk iha Kediri, Indonezia.
Estudantes Ermera oan sira halibur an iha orgazasaun rua ida hanesan Himpunan Mahasiswa Ermera Jawa Timur - HIMERSEJATIM no Himpunan Mahasiswa Ermera Yogjakarta – HEMERY konsege halibur hamutuk iha kediri ihaloron 22 Abril hodi halo viasakra no reza misa paskoa hamutuk.
Tuir reportajen CJITL online husi Indonezia, Mariano da Conceicao katak Ermera oan sira unidade tebes iha selebrasaun ne'e.
Antes Viasacra, Xefe HIMERSEJATIM, Arsenio Dota Ribeiro Soare hateten katak paskoa fo mensajen domin no moris hias tanba ne'e organisaun Ermera oan sira iha rai liur tenki buka atu refleta iha idak – idak nia moris no estudu.
Membros HIMERSEJATIM Fredi Amaral sente katak komemorasaun pascua hamutuk ne bele fo vantage posetivo ba memmbros ermera oan sira nebe iha Indonesia rasik, tamba bele demostra koperasaun real.
Hafoin selebrasaun viasakra ne'ebe halo ho lian melayu remata,Estudante sira tur hamutuk hodi halo planu ba programa nebe sei realija iha tempu ferias iha Distrito Ermera.
Programa ne'ebe konsege deside atu realija maka hanesan ‘Edukasaun ba Dezemvolvimentu Distrito Ermera no modelu de aktividade Dialogu Nakloke”.
Bartolemeus ( 26) nudar Sekretario ba HIMERY hateten katak HIMERY aseita tebes ideia murak husi kolega sira HIMERSEJATIM nia programa ne'ebe atu halo, tanba ne'e sira prontu atu kopera no servisu hamutuk hodi realiza programa ne'e.
Iha parte Seluk, Roswita Maria Oki, husi Kefa-Inonesia , hateten nia kontente tebes bainhira hare Timor oan sira nia unidade liu-liu ba ermera oan sira nia unidade no amizade, tamba hanesan ema la'orai tenki unidade no moris hamutuk iha Organizasaun ida para bele fahe matenek ba malu no amenta Belun sai barak liu tan. (Rano da Conceicao/CJITL Indonezia)
Sem comentários:
Enviar um comentário