Timor Leste: Segundo Komandante Polisia Task Force Mate “Derepenti”

DOMINGOS DA SILVA - CJITL - 26 abril 2011

Breaking news, Segundo komandante polisia task force distritu Dili, Julio Bestauribe tenki husik hela mundo hodi fila hamutuk ba aman Maromak hafoin hetan atakasaun derepenti iha Sabdu kalan (23/4) semana kotuk.Komandante Bestaurubi nu'udar mos ema veteranus ida ne'ebe luta ba ukun rasik an, hetan mate derepententi hafoin fila husi misa sabdu santo iha igreja sagradu korasaun de Jesus, Becora.

 

Eis Veteranu ne'e hetan atakasaun no mate iha tuku 03.00 dader, Domingo nian, hafoin nia vida labele salva husi doutor sira iha Hospital Nasional Guido Valadares, Dili.

Bestaurubi nu'udar eis veteranu husi rejiuan I, parte leste, besik nia moris fatin Aekoni, Baucau.

Tuir observasaun CJITL online, Primeiru Ministru Xanana Gusmao to'o kedan iha mate uman nia fatin iha tuku 05.30 dader san ho kalsa badak hafoin rona katak eis veteranu ne'e mate derepenti.

Tuir konfirmasaun ne'ebe CJITL hetan katak estado iha hela prosesu foti desizaun atu fo roupa saida ba Eis Veteranu ne'e atu hatais tanba nia nu'udar membru Polisia Nasional Timor Lorosa'e - PNTL no iha tempu hanesan nia mos hanesan Eis Veteranu Independensia. (Domingos da Silva/CJITL)