sábado, 23 de abril de 2011

Timor Leste: ADVOKASIA REFUGIADU IHA AUSTRALIA SEI VIZITA IHA TL





Advokasia refujiadu Australia fó sai ona katak sei haruka delegasaun atu mai iha Dili Timor Leste iha 2a semana iha fulan maiu tinan ne’e atu lobi proposta Primeira Ministra Australia Julia Gillard nian hodi hari’i centru procesamentu iha Timor Leste.

Informasaun ne’e anunsia tuir komentariu Prezidente Timor Leste nian foin lalais ne’e katak centru procesamentu “”tetap kemungkinan”, tuir informasaun publika liu husi media online www.greenleft.org.au Delegasasaun ne’e  konvida husi Forum ONG Timor Leste (FONGTIL ) no Front Mahasiswa Timor Leste no sei hasoru malu ho komunidade Timor Leste, sociedade sivil, partidu politku sira.

Delegasaun ne’e inklui mos Phil Glendenning husi Edmund Rice Centre, Eis Senadu Queensland Andrew Bartlett, juiz Shane Pangeran, no Mark Goudkamp inklui mos  Ian Rintoul Asaun Koligasaun Refujiadu (Refugee Action Coalition ka RAC).

RAC mos hato’o ona karta aberta ida ba Prezidente Ramos Horta no povu Timor Leste kona ba  petisaun ba centru procesamentu ne’e.

Karta ne hetan asinatura husi madre Josephine Mitchell no Susan Connelly, Mary MacKillop Misaun iha Timor Leste; Tim Anderson, Dosente Senior Politika Ekonomia, Universidade Sydney Antony Loewenstein, Jornalista sira; Phil Glendenning, Edmund Rice Centre no John Pilger.(TE)

Sem comentários:

Mais lidas da semana