JOSEFA PARADA – SUARA TIMOR LOROSAE – 04 maio 2011
DILI - Iha segundu Kongresu Partidu Conselho Nasional Rekonstruksaun Timorense (CNRT), iha Dili Convention Center foin da-dauk ne’e nakonu ho lider partidu husi politiku seluk inklui partidu historiku Fretilin ho Partidu Demokratiku.
Deputadu Rui Menezes husi bankada PD konsidera afiliasaun lider partidu hirak nee nornal, tanba iha ambiente demokra tizasaun hanesan Timor Leste, asaun haksoit husi partidu ida ba partidu seluk laos kestaun.
“Ami so uniku partidu nebe hamrik iha rai ida ne’e hodi la fahe kartaun eleitoral ba militantes sira maka Partidu Demokratiku, maibe partidu hot-hotu fahe nia kartaun ba nia militantes sira, entaun sira hakfodak wainhira militantes lori kartaun ne’e halai fali ba partidu seluk, radikalmente ita la bele dehan ema sira ne’e traidor ka oportunista, ne’e la bele, “ komenta Rui iha edefisiu PN, Tersa (3/5).
Iha ambiente demokrtaiku, povu mak iha soberania nunee povu rai nee direitu tomak hili partidu ida nebe sira konsidera diak ho konsiensia sira nian. “ Iha ambiente demokratiku hot-hotu tenki iha liberdade iha nia laran atu bele disidi no eskolha partidu nebe sira atu tama hodi espresa sira nia hanoin no direitu nebe sai mos hanesan direitu umanus nebe ita koalia katak direitu simpel politika,” tenik Rui.
Nune’e mos Deputadu Fretilin, Joaquim dos Santos hatete, se membru husi partidu balu hakarak tama partidu seluk ne’e direitu ninian tanba nudar sidadaun iha liberdade atu eskolha politika nebe deit ho nia konsiensia rasik.
“Laiha ema ida bele impende. Maibe kuandu arepende fila fali mai ita julga, tanba Fretilin nia politika mak ida ne’e, mesmu nia lider sira viola prinsipiu Fretilin nian fila fali mai tenki hahu husi zero,” nia komenta.
Iha parte seluk, Miguel Manutelo hatete nia tama CNRT laos partidu CNRT nee buat foun, maibe buat ida desde uluk bainhira Prezidente Partidu CNRT Kay Rala Xanana Gus mao, asume kargu respon sabilidade hanesan Prezidente Republika, ajuda tiha nia.
“Hau ema foun iha partidu, hau apresia ba debate sira ne’e, kriteria sira ne’e ita tenke tau hodi bele asegura ba dezenvol vimentu partidu ne’e ba oin, hau hanoin katak ema foun iha partidu, maibe importante ba hau maka CNRT tenke lao ba oin li-liu tanba figura ita nia Maun Bo’ot Xanana,” hatete Miguel.
Tuir nia problema hot-hotu tenki rezolve liu husi nia mekanismu debate hodi asegura, kontribuisaun importante, tanba bainhira Kay Rala Xanana sei hamrik, povu bele basa hirus matan katak ho figura Xanana nian votus aumenta.
Nune’e Bendito dos Santos Freitas hatete, lider parpol odamatan CNRT nian nakloke ba sese diet no sei taka sidadaun hot-hotu iha Timor Leste. “Sira nebe tanba CNRT tanba Xanana lider istorika, lideransa karisma tika, lideransa tranformador, lideransa hanesan.
“Hau hanoin importante teb-tebes ema atu tama no muda ba partidu seluk ne’e dereitu natural, maibe konformi ho ninia intensaun lolos no ho objetivu tama partidu ida mak mehi implementasaun planu es tratejiku dezenvolvimentu nasional.” Jay
Sem comentários:
Enviar um comentário