Wihelmina Lika – Radio Liberdade Dili
Radio, online – Tanba hetan kritika maka’as husi reprezentante povu iha uma fukun Parlamentu Nasional, Ministru Agrikultura Peskas Mariano Assanami Sabino hola medidas, iha tempo badak sei kansela ba kompanha sira mak tesi ai ne’ebe sai salvaguarda ambiente.
Lia hirak ne’e hato’o husi Assanmi ba jornalista sira iha edifisiu auditoria MAP hafoin fo posse ba diretor jeral, Kinta (16/6) foin lalas ne'e.
Tuir Assanami, kompanha ne’ebe mak atu kansela aktividades tesi mak hanesan New Global Timber PTI LTD no Nova Bride Entreding koporeit Dili Timor Leste.
Maske nune’e Assannami dehan katak, tuir akordu komapanha sira ne’e laos tesi ai ne’ebe mak povu kuda tiha ona. Maibe tesi ai ne’ebe mak ho valor ekonomia husi povu nian. Ai ne’ebe ho valor ekonomia mak hanesan ai kameli, ai na’a, ai sama tuku, ai teka, no ai sira seluk ne’ebe bele halo osan.
“Rendimentu laos deit ba kompanha maibe mos ai nain sira mos hetan husi tesi ai ne’e. Dalan ne’e mos aumenta moris ekkonomia nia iha familia ida,”dehan Assanami.
Assanami haktuir liu tan katak, iha lei nia laran atu regula katak,tenki protese ita nia ambiente, protéje agrikultura no povo sira. Tanba ne’e sira nebe iha ai maran nebe identifika husi guarda floresta ai ne’ebe memenuhi syarat tuan ona, tenki buka dalan atu fa’an. Banhira povo nebe ta’a ai nurak no la iha asiste husi guarda floresta ida ne’e kontra lei no halo krimi.
“Hau tenki respeita desizaun Parlamento Nasioanl maibe sei hare’e husi parte rua povo no ambiente atu nune’e bele protese ba povo iha future,”Assanami esklarese.
Antes ne’e iha uma fukun Parlamentu Nasional husi bankada opozisaun Deputadu Estanislau Alexio da Silva kestiona ho kompanha ne’ebe mak oras ne’e hetan lisensa husi MAP hodi tesi ai arbiru deit. Ai sira ne’ebe sai hanesan salva ambiente mos tesi hotu.
“Hau husu ba MAP atu fo atensaun lalais ba kestaun ne’e, see lae iha futuru ita nia rai maran no sei susar ba bee mos,’Estanislau kestiona.
.jfif)
Sem comentários:
Enviar um comentário