terça-feira, 7 de junho de 2011

Timor Leste: “Hari'i Kompania Nasional ba Minarai ne'e Programa Governu Anterior Nian”




DOMINGOS SILVA - CJITL

CJITL Flash, Prezidenti Komisaun C Parlamentu Nasional Manuel Tilman konsidera estabelesementu kompania minarai Timor Leste, Timor Gap ne`e hanoin husi FRETILIN niqn Maibe CNRT bele konnsidera, ne`e pasu positivu ba Governu Aliansa Maioria Parlamental (AMP).

“Iha Governu anterior nia tempu kedas atu hari’i Kompania Nasional minarai nian maibe lakonsege” hateten Manuel Timan.

Nia hatutan katak sei nia mak nudar Primeiru Ministru nia hari’i kompana nasional no investe iha tasi laran, join ho kompana bo’ot sira ne’ebe iha esperensia teknologia kuinesementus no esperensia.

Nune’e mos deputadu Arao Noe husi Bankada CNRT hateten katak ne’e pasu positivu ida ba governu AMP, konaba hari’i tan kompania nasional Timor Gap.

“Sei ita hare ba ita nia nasaun hanesan buat ne’ebe ita nia Primeiru Ministru aprazenta husi Planu Estratejiku Dezenvolvimentu Nasional-PEDN ne’e katak Timor laos nasaun agrikultura, maibe nasaun produtivu mina tamba husi estudus barak katak TL iha mina barak tanba ne’e ita tenke iha kompana mina rasik hanesan mos nasaun seluk” dehan Noe.

Nia mos haktuir katak Timor agora labele ona hanesan han ruin no ema seluk mak han isin hela deit mak ruin mai ita.

“Ita hanesan nasaun ne’ebe foin hari’i no kompania ne’e mos foun esperansa sei fraku, inportante ita bele halo join maibe ita mak tenki kaer jestaun katak ita tenki iha harga tawaran, tamba ita hamrik hanesan kompania ida” haforsa Arao.

Nia mos husu atu timor oan sira kontinua aumenta iha kapasitasaun rekursu humanus iha mina nian atu nune’e bele kaer kompania ne’e ho diak ba oin.(Domingos da Silva/CJITL)

Sem comentários:

Mais lidas da semana