INL FO PRIORIDADES BA MIDIA PROMOVE TETUM

Acasio Pinto – Rádio Liberdade

Radio, online – Institutu Nasional Linguistik (INL) atu promove lina Tetum tuir padraun otografia fo prioridades liu ba media sira. Tamba ho media lais liu no ema bele akompanha lor-loron liu husi jornal, Radio, no Televizaun.

Diretor INL Nuno Gomes fo sai lia hirak ne’e liu husi workshop ne’ebe organiza husi Sekertairu Estadu Konselu Ministru ho jornalista nip editor, tamba 2012 hanesan tinan komunikasaun sosial, Kuarta, (22/2) iha otel exelsior resort, Pantai Kelapa.

Tuir Diretor ne’e Jornalista nia papel importante hodi tulun Lian Tetum ne’ebe INL produs sai ona padraun ba komunidades hotu iha nasaun ne’e.

“Ema hotu tenkiser estuda no hakarek lian Tetum ne’ebe produs ona husi INL, liu husi esforsu maka’as durante ne’e,”Nunos apela.

“Jornalista sira hakerek lia Tetum tuir padraun ortografiku Tetum, hau hanoin iha tinan rua mai ema hotu bele hakerek diak nee’ebe tuir INL nia,”dehan Nuno.

Lian hanesan meius komunikasaun entre ema ho ema. Lian importante tebes iha sosiedade. Lian ne’e hanesan buat konvesional (akordu) ema hotu tenki submete hodi hatene no halao tuir.

Nuno hatutan agora dadaun lian Tetum sei sabraut hela, tamba media seidauk uniforma hakerek Tetum ho diak no lao ida-deit. Ortogrfia ne’ebe iha ona, presiza halao hodi ema halao tuir.

Iha media balu komesa uza ortografia ho los. Iha jornalista balun komesa buka atu hatene hakerek Tetum. Ne’e pasu positivu diak tebes.

Lian hametin unidade nasional. Tamba iha nasaun ne’e iha etniku lingustiku barbarak. Ho lian Tetum akumula ema hotu sai ida deit.

Antes ne’e Prezidenti Parlamentu Nasional Fernando La Sama de Araujo husu ba INL atu koloka sira nia ema ba servisu hamutuk iha midia sira ia parte editor nian atu nune’e padronizadas tiha Tetum iha midia hotu. Ne’e dalan importante mak tenki halao.

Hatan ba asuntu ne’e Diretor INL ne’e dehan, rekomendasaun ne’e sai asuntu importante, maibe kestaun mak finanseiru, alende ne’e mos rekursu husi INL nian menus tebes atu koloka ba midia sira. Hare ba futuru INL tenta responde ba kestaun ne’e.

* PÁGINA GLOBAL TAMBÉM EM TÉTUM DURANTE O PERÍODO ELEITORAL