Partidu Presiza Kontrola Militante Iha Kampanha

Suara Timor Lorosae

DÍLI — Loron kampanha ba eleisaun prezidensial, besik daudauk ona. Preparasaun povu atu partisipa iha festa demokrasia rai nee laos makaas tebes. Tan nee husu ba kandidatura prezidente republika no partidu politika sira kontrola sira nia militante no simpatizante sira atu labele involve iha konfrontasaun.

“Ita hein katak, iha kampania ne’ebe mak sei halao iha loron 29 fulan Fevereiru, to’o loron 15 fulan Marsu, lider partido ida–idak presiza orienta didiak nia militante sira para labele halo konfrontasaun iha kampanha,” Membru Parlamentu Nacional Bankada CNRT, Aderito Hugo da Costa ba STL iha Uma Fukun Parlamentu Nacional foin lalais nee.

Partidu Politiku sira hotu katak Aderito, oras nee dadauk mobilize militante no simpatizante sira halao kampañha, tan nee bainhira iha partidu politiku balu tenta uza nia militante no simpatizante sira hodi halo konfrontasaun, povu iha direitu atu julga sira iha eleisaun.

“Ita husu ba Polisia bainhira mosu konfrontasaun tenki halo investigasaun, labele halo espekulasaun hodi duun partidu ida ne’e ka neba, maibe importante Polisia maka tenki foti medidas konkretas prevene kada konfrontasaun nebe mosu iha rai laran,” dehan Aderito.

Entretantu Prezidenti Republika Jose Ramos Horta husu ba lider Partidu Politika eduka sira nia militante hodi ivita involvimentu sira nian atividade nebe kontribui ba instabilidade iha Nasaun foun ida nee.

Premiadu Nobel ba Paz ne’e hatutan eleisaun 2012 lao ho susesu bainhira ema hotu kontribui ba paz no estabilidade, atu povu bele partisipa iha festa demokrasia nee ho diak. lia

PÁGINA GLOBAL TAMBÉM EM TÉTUM DURANTE O PERÍODO ELEITORAL