Eleisaun Prezidensial, Kandidatu Francisco Sei Pasa Ba Segundu Ronde

Suara Timor Lorosae

DÍLI - Kandidatu Prezidenti Republika period 2012-2017, Francisco Xavier do Amaral, fiar a’an sei pasa iha segundu ronde, iha elisaun tinan ne’e.

“Ami hanoin kandidatura Francisco Xavier do Amaral liu iha segundu ronde, tanba ami fiar katak, iha elisaun ne’e sei la iha ema ida mak manan kedas iha primeira ronde ne’e la iha,” hateten Arlindo Marcal, tim susesu husi kandidatura Francisco Xavier do Amaral ba STL iha sede bloku proklamador Hudi Laran, Dili Kinta (23/02).

Francisco Xavier do Amaral hatete Arlindo, hanesan inspirasaun ba ema hotu, tamba ho idade no moras la impede ema atu bele kontribui nafatin ba dezenvolvimentu, maske ho situasaun ne’e maibe nai (red-Francisco Xavier) hakrak motiva nafatin joven sira katak tenki iha espiritu nafatin atu servisu ba iha nasaun ne’e.

Kandidatura Francisco Xavier do Amaral sei partisipa iha debate no mos asina paktu, nebe sei partisipa direitamente iha eventu rua ne’e. Informasaun kompletu iha STL Jornal no STL web, edisaun Sesta (24/2). Jasinta Sequeira/ Natalia Moniz

* PÁGINA GLOBAL TAMBÉM EM TÉTUM DURANTE O PERÍODO ELEITORAL