Loron Rua Tan Kongresu CNRT, Saida mak Fretilin Nia Komentariu

CJITL – 27 abril 2011

Breaking news, “Realiza kongresu ida ne'ebe demokratiku no tuir nia dalan, ida ne'e mak hau nia hanoin konaba Kongresu partidu Conselho Nasional Rekonstrusaun de Timor – CNRT ne'ebe sei realiza Sexta feira semana ne'e to'o Domingu (29 -1 Abril 2011).

Komentariu iha leten hato'o husi Adjunto Sekretariu Jeral Fretilin, Jose dos Reis hafoin CJITL husu nia komentariu iha Comite Central Fretilin, Komoro, Dili, Quarta semana ne'e (27/4).

“Fretilin iha esperensa ba kongresu hotu – hotu sei submete ba regras no lei iha natureza propiu atu halo estatuto hodi regula nia partidu atu funsiona ho diak” Reis komenta.

“Kongresu atu la'o diak tenki tuir regras, hanesan imi iha CJITL karik atu la'o tuir regras ne'ebe haruka no labele la'o tun sa'e, imi labele la'o fora de regras no imprinsipiu buat hotu bazeia ba demokrasia n'eebe signifika katak husi kraik mak ba leten” Reis hatutan hodi remata.

Partidu CNRT sei realiza nia kongresu nasional ba dala rua iha Sexta feira, maske nune'e seiduak iha ema ruma ne'ebe prontu ona atu kandidatu nia an ba Prezidente partidu hodi kompete ou troka Atual Prezidente Partidu, Kay Rala Xanana Gusmao.

Tuir informasuan ne'ebe seidauk konfirmadu katak, Militantes CNRT balun sei kandidata Atual Sekretariu Estado ba Formasaun Profesional no Empregu, Bendito Freitas ba pozisaun Sekretariu Jeral hodi troka Dionisio Babo. (Olga & Bento/CJITL internship)