DILI - Kandidatu Nasional Prezidente Republika (PR) ba periodu 2012-2017, Jose Luis Guterres (LUGU) sai kapitaun ba kandidatura Prezidenti Republika nain 13. Tamba liu husi sorteiu kandidatura PR iha Tribunal Rekursu, Tersa (21/2) liu ba, nia hetan nomeru 10 husi kandidatura sanulu resin tolu.
“Ida ne’e hatudu ona katak povu nasaun ne’e, asuwain Timor oan hotu hakarak hili Jose Luis Guterres. Tamba iha mundu tebebola ema nebe’e tau nomeru 10 laos naran ema. Maibe ema nebe’e hatama golu makaas. Iha ekipa tebebola, ema nebe’e tau nomeru 10 ne’e normalmente kapitaun ekipa,” dehan Abel da Costa Freitas Ximenes nudar Koordenador Jeral Ekipa Susesu Kandidatura PR Jose Luis Guterres ba STL iha Sede Nasional Ekipa Susesu Kandidatura LUGU, Vila Verde, Dili, Kuarta (22/2).
Iha sorteu ne’e, kandidatura PR nain 13 hetan nomeru hanesan, Dr. Manuel Tilman (1), Taur Matan Ruak (2), Francisco Guterres Lu-Olo (3), Francisco Xavier Do Amaral (4), Rogerio Tiago de Fatima Lobato (5), Maria Do Ceu Lopes da Silva (6), Angelita Maria Fransisca Pires (7), Jose Ramos Horta (8), Francisco Gomes (9), Jose Luis Guterres (10), Abilio da Conceicao Abrantes de Araujo (11), Lucas Ramametan da Costa (12) no Fernando La Sama de Araujo (13).
Hatan konaba modelu kampanha nebe ekipa susesu kandidatura PR LUGU, sei halo iha loron sanulu resin lima nia laran, Abel hatete sira iha programa kampanha ho modelu oi-oin no sira sei uza modelu hotu-hotu, maibe depende ba kondisaun no situasaun. Informasaun kompletu iha STL Jornal no STL Web, edisaun Kinta (23/2). Jasinta Sequeira
.jpg)
2 comentários:
Membrus STL nian laharé ema tebe bola. Atu sai kapitaun ema seluk iha ekipa nia laran mós bele sai kapitaun. Sai kapitaun ne’e laos tanbá númeru maibé tanba nia tebe bola diak, hatene joga ho nia kolega iha ekipa nia laran, liu hanesan tebe bola nain tuan liu iha clube nia laran. José Luís Guterres, la hela metin iha klube nia laran. Iha situasaun difícil JLG halai. Nia ne’e ema ida buka diak deit. Tanba ne’e ema sei la vota ba nia.
JOZE LUIS SAE KAPITAUN BA FRENTE MILISI NO STL DEIT! AZE KAER MUDANSA MAIBE VOLANTE NO TRAVAUN MAKA LAIHA. KARETA RODA KUAK TAN!
Enviar um comentário