quarta-feira, 22 de fevereiro de 2012

SOE BOMBA IHA STAE, LU OLO: PNTL TENKI INVESTIGA



Suara Timor Lorosae

DÍLI - Kandidatu Presidente Republika atual Presidente Partidu FRETILIN, Francisco Guterres “ Lu-Olo” husu ba Polisia Nasional Timor Leste (PNTL) atu halo investigasaun ba kazu ema deskonhesidu nebe soe bomba ba iha edifisiu STAE no CNE.

“ Presija Polisia sira hatene para ba kaer ema sira ne’e para lori ba justisa,” dehan Lu-Olo ba STL iha Licedere depois remata prosesaun Jornada Refleksaun ba Orasaun loron 111, hametin unidade, paz no estabilidade, Tersa (21/2).

Presidente Partidu FRETILIN ne’e hateten katak soe bomba ne’e hamosu instabilidade no mos hamosu krime, tamba ne’e Polisia Nasional Timor Leste (PNTL) tenki buka halo investiga sei maka autores ba aktus ida ne’e.

Antes ne’e membru Parlamentu Nasional (PN), preokupa tebes ho situasaun ne’e, hanesan Deputada husi Bankada CNRT, Virginia Ana Belo katak dadaun ne’e, PNTL halo hela investigasaun ba kazu ne’e, hein deit nia rezultadu see maka halo krime ne’e. informasaun kompletu iha STL Jornal no STL web, edisaun Kinta (23/2). Jaime do Rosario


Sem comentários:

Mais lidas da semana