Movimentu Estudantes Universitariu no Joventude Distritu Lautem (MEUJ-DL) halo deklarasaun ba publiku hodi rejeita politika lian inan nudar lia instrusaun prinsipál hodi hanorin alunus hahu husi Pre-Eskolár to’o Kuartu Anu Ensinu Básiku iha Distritu lautem, hahú fulan Fevereiru tinan 2012.
MEUJ – DL hato'o ida ne'e liu husi konferensia ba imprensa Segunda Feira ne’e (23/01) iha Kampus Universidade National Timor Lorosa'e – UNTL.
Iha Konferensia ne’e, MEUJ-DL husu ba Ministerio Edukasaun no kultura RDTL atu hapara politika implementasaun hodi dezenvolve lian materna ba prosesu aprendizagem tanba politika ne’e hanesan politika Devide et Impera.
“Ami Estudante Universitario Juventude Distrito Lautem konsidera politika ba programa implementasaun ne’e hanesan haburas rasismu no sukuismu iha Timor Leste no afeta ba unidade nasional” hateten ba Porta Voz MEUJ-DL.
Sira mos deklara no afirma hodi rejeita no kontra total politika Ministerio Edukasaun no UNESCO atu implementa lian materna ba prosesu aprendizagem iha nivel ensinu baziku no sekundariu iha Distritu Lautem.
Alem de ne’e mos husu ba Parlamentu Nasional liu-liu Komisaun F Asuntu Edukasaun atu halo estudu no analize profunda ba implementasaun programa lian materna ne’e atu halo estudante sira difisil atu uza lian tetum sai hanesan komunikasaun iha ambiente eskola no komunidad.
“Se ejijensia hirak ne’e la iha konsiderasaun no hetan responde maximu hosi orgaun kompetente ami sei mobiliza komunidade, estudante, juventude no organizasuan movimentu universitariu sira tomak hodi asaun protesta hasoru Ministerio Edukasaun” hateten Porta Voz Mario “Kabitan” Soares (CJITL)
.jpg)
Sem comentários:
Enviar um comentário