UDT PRONTU ONA ATU MANAN IHA ELEISAUN JERAL 2012

DOMINGOS DA SILVA - CJITL

CJITL Flash, Partido União Demokratika Timorense-UDT prontu ona atu kompete iha elesaun Jeral 2012, tanba nia strutura kompleta ona iha baze.

Tuir Prezidente Partidu UDT Gilman Exposto dos Santos hateten Partidu UDT  komesa halibur ona nia militante sira iha distritu to,o suco, atu nune’e bele heta netik reprezentante iha Parlamentu Nasional.

“UDT hakarak Povu hot-hotu tenke moris iha transparensia no justu nia laran atu nune’e Povu bele aproveita ukun a’an ida ne’e” dehan Gilman wainhira halo debate ho Jornalista sira iha Fundasaun Oriente 04/5.

Partidu UDT pronto ona atu kompete iha eleisaun geral 2012 hodi bele mana kadeir a ruma iha parlamentu nasional.

Partidu UDT  nia strutura 25 pesoas ne,ebe mak eleitu ona iha tinan 2010.

Nune,e mos Sekretario Jeral Partidu UDT Cipriano Goncalves katak UDT mos iha nia politika ida hodi bele manan iha eleisaun 2012.

Debate entre Partidu UDT no Jornalista sira ne’e hetan partispasaun masimu husi Jornalista 50 resin ne’ebe mai husi media imprimi no media elektronik .

Iha debate ne'e modera husi Direktur CJITL Julio Gil da Silva Guteres. (Domingos da Silva/CJITL)