Timor-Leste - Taur: “Hau Mai Hamotuk Servi Timor Forte no Riku”

Suara Timor Lorosae

ERMERA – Kandidatu Prezidente Republika, Taur Matan Ruak tuku povu Ermera nia fuan nudar Kandidatu Prezidente Republika, mandatu 2012-2017, atu hamutuk ho povu lori, Dezemvolvementu ba nasaun no rai doben Timor Leste.

“Hau mai ita hamutuk serbi Timor Leste ida nebe forte, riku no metin,” nee program principal nebe hato husi kandidatu Prezidente Republika, Taur Matan Ruak liu husi Kampaine iha capital Ermera Gleno, Kinta (1/3).

Taur hatutan Timor Leste nebe solidu fo motivasan, kbit hodi mobiliza povu hotu luta dezenvolvimentu nasional, tanba sidadaun hotu-hotu iha direitu luta ba rain doben Timor nia diak no susesu.

Estadu ho nia sidadaun katak Taur desempeinu no responsaveis ho jestaun nebe diak, bele lori Dezenvolvementu ba Timor hodi hakiak kondisoens moris diak ba Timor oan tomak. Tan nee tenke kaer metin Independensia Nasional, liu husi harii sistema Ekonomiku ida nebe metin, korente no sustentavel hodi reforsa Independensia Nasional. Kaer metin Unidade no Koesaun Nasional hodi moris iha ambitu Demokrasia nia laran. Liu husi rekonhesimentu ba direitus fundamentais sidadaun nian, tau matan ba nesesidades bazikus no jerais ba moris loro loron liu husi esforsu ba espiritu toleransia.

“Mai ita hatudu ba mundu katak, uluk ita luta ba ukun rasik an, agora mai ita hatudu tan dala ida ba Mundu katak, ita tenki kaer ukun hodi, halo Dezemvolvementu ba, povu ho Nasaun Doben TL. Karik eleitu ba PR, Taur sei lori povu ho Nasaun ba oin , nia iha kapasidade Lidera Nasaun ho povu,” apela Taur.

Ernestu Fernandes alias Dudu, Veteranus Distritu Ermera hateten, uluk hamutuk ho maun Taur, agora mai hamutuk nafatin ho maun Taur, lori halo Dezenvolvementu ba povu ho Nasaun. Kualia konaba ba Veteranus, tenki iha ema ida maka haree, rona no fo atensaun ba veteranus, tan nee Dudu hato ba veteranus tomak, liu-liu ba Regiaun IV, fo apoio ba Maun Taur Matan Ruak, Vota ba nia hodi sai Prezidente Republika no lori povu ho Nasaun ne ba oin.

Gilman Alves Prezidente UDT iha tempu nee, deklara ba apoiantes Taur Matan Ruak hodi hatete, Partidu UDT fo apoio I vota ba Maun Taur Matan Ruak hodi lori Dezenvolvementu ba povu ho Nasauin. Taur iha Responsabilidade, luta hamutuk ho povu durante tempu naruk nia laran, agora mai hamutuk ho povu lori povu ho Nasaun ba moris diak.

Tempu hanesan, Antonio Aitahan Matak, CPD-RDTL no organizasaun sira seluk mos, deklara hodi, fo apoio tomak ba Kandidatura Taur Matan Ruak. dlo

PÁGINA GLOBAL TAMBÉM EM TÉTUM DURANTE O PERÍODO ELEITORAL

Leia mais em tétum e em português sobre Timor-Leste - use os símbolos da barra lateral para se ligar aos países lusófonos pretendidos.

Destaque Página Global: OH DE TIMOR-LESTE!

ELEITORES TIMORENSES: PARTICIPEM NA SONDAGEM “VOTO PARA PR DE TIMOR-LESTE”, na barra lateral