TAMA KADEIA KA LAE

DOMINGOS DA SILVA – CJITL – 24 abril 2011

Breaking news, Hafoin loron 11 Abril liu ba Vice Primeiru Ministru, Jose Luis Guterres hamutuk ho Embaxador Timor Leste ba Thailandia, Joao Camara Freitas hetan julgamentu final husi Tribunal Distrital Dili, rezultado final ba julgamentu ne'e sei fo sai iha loron 9 Maiu 2011.

Jose Luis Guterres ho Joa Camara Freitas simu alegasaun husi Ministeriu Publiku konaba kaju abuju de poderes ne'ebe lider nain rua ne'e komete bainhira sei halo servisu hanesan ofisial Ministeriu Negosius Estranjeirus iha governu anterior.

Tuir konfirmasaun husi fontes Ministeriu Publiku ne'ebe lakohi atu publika nia naran katak, desizaun final konaba kaju ne'e sei fo sai iha loron 9 Maiu, iha desizaun ne'e publiku sei hatene katak Jose Luis Guterres ho Joao Camara sei tama kadeia ou lae.

Arguido nain rua ne'e rasik antes ne'e kumpri ho didiak prosesu julgamentu ne'ebe hala'o tiha ona iha loron 11 Abril liu ba iha Tribunal Distrital Dili, Mandarin.