JOSEFA PARADA - SUARA TIMOR LOROSAE
DILI - Membrus Deputadu husi Bankada Fretilin iha uma fukun Parlamentu Nasional (PN) husu ba governu atu hari’i lalais laboratoriun iha Timor Leste (TL) hodi prevene droga nebe tama iha Timor Leste tamba trafiku konsume droga iha TL ne’e sai problema nebe pregoju.
Deputadu Francisco Miranda Branco husi bankada Fretilin hatete katak trafiku konsume droga iha Timor Leste ne’e sai problema bo’ot ida. Tamba situasaun estadu no situasaun joventude iha Timor Leste, Branco husu estadu tenki preokupa ba sira nia kondisaun atu prepara sai ema nebe aban bainrua sei kaer nasaun ba oin.
“Trafiku konsume droga iha TL ne’e sai problema bo’ot ida, ne’e pregoju. Tuir lolos iha politika nebe sereiu husi governu atu luta hasoru trafiku konsume iha Timor Leste ne’e, tamba situasaun estadu ho situasaun joventude nian iha Timor Leste ne’e, ne’e duni hau husu estadu tenki preokupa ba sira nia kondisaun atu prepara sai ema nebe aban bainrua sei kaer nasaun ba oin, “ komenta Branco ba STL iha PN, Tersa (24/5).
Deputadu husi bankada Fretilin ne’e fo lembra deit katak iha 2009, bainhira debate orsamentu, Fretilin fo hanoin katak priodidade governu tenki aloka osan atu hari laboratoriun ba Polisia nasional timor Leste.
“Problema esensial importante maka governu sidauk hari’i laboratoriun, laboratoriun ne’e maka importante liu tamba iha tinan hirak nia laran governu sidauk hari ne’e hatudu katak governu laiha seriedade atu responde ba kestaun droga iha Timor Leste,” komenta Branco.
Nune’e komandante Investigasaun Nasional Calistro Gonzaga nebe foin lalais ne’e hasoru malu ho STL iha ninia servisu fatin semana ne’e hatete, Polisia Nasionl Timor Leste (PNTL) prontu atu hare se deit mak lori droga tama mai iha Timor ne’e, tamba aimoruk droga ne’e bele istraga joventude sira nebe konsumi.
“Hau hanoin uluk mak ami konsege kaer duni Timor oan ida nebe mak sempre ba liur sosa aimoruk ne’e hodi mai konsumi iha iha rai laran, ita hare ba ladun diak tamba ema nebe mak uja aimoruk ne’e bele istraga nia a’an rasik, liu-liu ba foin sae sira,” dehan Calisto. Jaime do Rosario
Sem comentários:
Enviar um comentário