JOSEFA PARADA – SUARA TIMOR LOROSAE – 28 abril 2011
DILI – Komunidade iha parte ida hakarak moris iha ambiente nebe mos no saudabel, maibe husi parte seluk labele ses aan husi kultura iregularidade nebe dalawain kontribui hafoer sidade Dili.
Konsetu Dili sidade da paz nebe inisia husi Prezidente Republika, Jose Ramos Horta no hetan apoiu Governu ho programa limpeza jeral iha kada sesta feira, seidauk lori mudansa nebe signifikante imajen sidade Dili. Tanba realidade bairo balu sei nakonu lisu maske iha ona fatin lixu.
Laos ne’e deit PR Horta hamutuk ho Governu liu husi Distritu Dili, ne’ebe deklara ona ba publiku atu haburas sidade Dili, ho konvida grupu Band Nizi Indonesia mai konsertu iha sidade Dili. Maibe realidade to’o oras ne’e bairo-bairo sei nakonu ho foer nebe namkari inklui sirkulasaun animal.
“Hau hanesan lider komunitariu husu Governu atu atende lalais problema sira ne’e, tanba fo impaktu makaas tebes ba populasaun,” dehan komunidade Comoro, Cancio Nunes, ba STL iha nia hela fatin Comoro Dili, Kuarta (27/4).
Cancio hatete tinan-tinan sira sempre Servisu hamutuk ho komunidade sira seluk hodi halao atividade limpeza iha bairo, liu husi atividade hirak nee konsege hamos sira nia bairo husi foer, maibe hamos ambiente seidauk hanesan kultura ba povu rai nee.
Nia husu governu atu hadia valeta sira iha Dili laran inklui iha bairo-bairo hodi asegura sirkulasaun bee tantu nebe sai husi rai laran no produs husi udan been.
Aniceto da Costa Komunidade Caikoli hatete governu lolos tenke kontrola foer sira iha bairo laran, tanba limpeza nee laos ba iha sidade deit, maibe iha bairo-bairo. “Governu sempre aviza bebeik dehan tenki hamos ida-idak nia bairo, maibe realidade hamos hotu tiha, saniamentu la mai foti, ho kondisaun ida ne’e halo komunidade sira mos baruk atu halo limpeza,” tenik Aniceito.
Parte seluk Komunidade Beto barat Comoro, Renato Cardozo, hatete limpeza nudar atividade nebe tenke rutin halao hodi redus foer nebe sai preokupasaun ema hotu nian.
Entretantu reprezentante povu iha Uma Fukun Parlamentu Nasional, Fretilin Jose Texeira hatete, foer problema sai duni preukupasaun populasaun sira nian, tanba agora dadaun bairo balu maka foer nakonu. “Ita koalia kona ba foer agora dadaun iha bairo balu maka kondisaun ambiente ladiak ka grave tebes, tanba saniamentu sira seidauk servisu masimu,” hatete Texeira. Fal
Sem comentários:
Enviar um comentário