JOSEFA PARADA – SUARA TIMOR LOROSAE – 03 maio 2011
DÍLI - Prezidenti Republika Jose Ramos Horta hatete Fabrika Tizolu ne’ebe inisiativa Brazileiru nian ne’e maske simples, maibe diak no fasil tanba uja deit rai mean hodi bele produs Tizolu.
DÍLI - Prezidenti Republika Jose Ramos Horta hatete Fabrika Tizolu ne’ebe inisiativa Brazileiru nian ne’e maske simples, maibe diak no fasil tanba uja deit rai mean hodi bele produs Tizolu.
“Embaixador Brazil nia maka hanoin halo no makina Pres ne’e nia lori rasik mai hosi Brazil, ne’e hanesan teknolojia ida simples maibe foun, uja deit rai mean ne’ebe barak los iha TL ne’e,”hatete PR Horta ba Jornalista bainhira halo vizita ba fatin fabrika Tizolu iha Aldeia Sabulau, Sucu Vatuboro, Sub-distritu Maubara, Distritu Liquisa, Sabadu (30/04).
PR Horta hatete Mezmu oaras ne’e iha Timor halo uma barak husi rai mean ho dut, maibe nia kualidade lahanesan ho ida ne’ebe agora sira produs dadaun. Nia haktruir tizolu ida ne’ebe Povu TL hatene bele dehan laiha kualidade tanab bainhira udan sei hamosu problema tanba se be’e kona didilolon maka sei monu monu hotu.
Maibe ida agora sira produs ne’e diferente tanba kahur oituan ho simente, entaun metin los, no injeneria ne’ebe sira halo ne’e mos signifika se rai nakdoko nia la monu, la uja simenti barak, lapresiza uja ai sunu para tunu tizolu.
“Tanba bai-bain halo tizolu ne’e tenki tunu no gasta ai lubuk ida, ida ne’e mos la presiza be’e bar-barak. Enkuantu ida ne’e hau hanoin ba ita nia nesesidade, realidade diak tebes, No nia kualidade diak liu fali uma halo blok no simenti ne’ebe dalabarak halo iha Timor Laran tomak,”hatete Horta.
Xefi Estadu mos hatutan katak sei aprezenta projetu ne’e ba PM Xanana para hare, no sei bele hamutuk ho kompañia ne’e, para halo tizolu ne’e iha TL tomak, tanba ida ne’e koresponde los ba Timor nia realidade no Nia klima.
Kona ba makina Pres ne’ebe limiti tebes hatete PR Horta nia kolia ona ho tekniku sira no hein tekniku sira halo estudu ida, depois hatete sira presiza than makina hira, maka PR mos sei koalia ho PM Xanana para hasai osan husi fundu Kontijenti par abele sosa makina barak tan.
“ita hein deit estudu tekniku sira dehyan presiza hira, maibe hanoin labele barak demais, enkuantu seidauk iha sistema ida ne’ebe hari didiak, maibe hanesan Prezidenti Republika hau mos sei koalia tan ho PM, para bele hasai osan husi fundu kontozensia, atu nune’e bele sosa makina lubuk ida, tanba ne’e ladun karu no tekniku Brazileiru sira mos ajuda fo trenin ba traballador sira, no iha tempu badak bele hahu aumenta prosesu ida ne’e,”deklara tan Horta.
iha fatin hanesan Xefi Sucu VatuBoro Sub-distrirtu Maubara, Distritu Liquisa, Roke do Carmo Lopez hatete maske iha Timor ema bark ona maka halo uma husi rai mean ka tozolu, maibe tuir nia tizolu ne’ebe produs iha sira nia Sub-distritu ne’e diferente ho tizolu ne’ebe maka Timor oan sira hatene.
“Maske iha Timor dala barak ona ema halo uma ho tizolu, maibe la hanesan ho tizolu ida ne’ebe agora dadaun produz, tanba ida babain ita hatene ne’e, halo hotu tenki tunu fali, maibe ida ne’e la hanesan diferente, bele dehan modernu oituan tanba uja deit Simenti oituan, hafoin produs hotu uja hodi halo uma, lapresiza tunu no habai tan,”hatete Roke.
Julio Sances Komunidade ne’ebe servisu iha fatin fabrika Tizolu ne’e hatete sira hahu fabrika ne’e fulan ha’at ona, hahu iha loron 16 Fulan Dezembru to’o agora. Fabrika ne’e kaer husi kompañia husi Brazil naran Comunity Housing Limited (CHL).
Nia hatutan loron ida sira Produs Tizolu ne’e maximal 300 no minimal 250, maibe nia haktuir oras ne’e dadaun sira seidauk bele fa,an, tanba makina pres ida deit.
“Agora ami seidauk bele fa’an tanba Makina Pres limiti tebes, agora ami fabrika hodi halo deit uma Proseseamentu ba Grupu Feto sira hodi fabrika marmelada,”hatete Julio.
Prosesu halo Tizolu ne’e hatete Julio, Rai mean Baldi hitu no Simenti balde ida, bele produs Tizolu 17, maibe bele dehan Simenti Saku idasira bele produs Tizolu 72.
Entretantu Emabaixador Brazil
Sem comentários:
Enviar um comentário