DOMINGOS DA SILVA – CJITL – 03 maio 2011
CJITL flash, Kuarta feira, Aban (4/5), Direitur Executivu Lalenok Ba Ema Hotu – LABEH, Christopher Henry Samson sei ba hatan iha tribunal Dili, hafoin Prokuradora Jeral, Ana Pessoa Pinto halo akuzasaun ida ba tribunal.
“Hau simu duni notifikasaun ida husi tribunal Dili ho numero 205/PDD/2006 katak aban, Kuarta feira loron 4 Maiu tuku 09.00 dader hau tenki ba hatan iha tribunal, hau prontu atu ba” Christopher hateten iha komunikadu imprensa ne'ebe CJITL simu.
“Hau nia krime mak hakilar makas kontra korupsaun no injustisa iha Governu Fretilin no Governu AMP no foin lalais ne’e LABEH husu Parlamentu Nasional atu hasai imunidade Ana Pessoa hodi ba hatan iha Tribunal, hau prontu ba hatan Ana Pessoa nia akuzasaun tanba keixa ne'e falsu no baratu, laiha fundamentu no laiha baze legal” Christopher konfirma.
Tuir konfirmasaun mos katak, aban dader tuku 09.00 Christopher prontu ona atu ba hatan akuzasaun Prokuradora Ana Pessoa nian.
Antes ne'e iha semana kotuk Christopher halo konferensia imprensa hodi husi Parlamentu Nasional atu hasai Ana Pessoa Pinto nia imunidade hodi hatan ba kaju ne'ebe nia involve.
Direitur Exetivu Christopher Henry Samson, liu husi konferensia imprensa, Kuarta feira (19/4) hateten katak Ana Pessoa tenki ba hatan iha tribunal, tanba iha tinan 2006-2007 bain hira STAE halo preparasaun ba eleisaun jeral ba Prezidente Republika no Parlamentu Nasional nian,??Ana Maria Pessoa autoriza oportunidade ida ne’e hodi manipula material eleisaun hanesan sosa jeradores ba Sekretariado Tekniku Administrasaun Eleitoral – STAE.
?Christopher hatutan katak Ana Pessoa bainhira sei kaer pasta nudar Ministra Estatal iha tempo Fretilin nian la kuidadu orsamentu jeral estado hodi halo estadu lakon osan bo’ot.
?“Manipulasaun ne'e maka iha Dili jerador ida fa'an ho folin $ 350, nune'e ba jerador hamutuk 65, no total folin lolos maka $ 22.750 maibe sira halo Makeup Price ba folin husi $ 350 to’o $ 3,500, tanba ne'e osan ne'ebe tuir lolos $227.500 sa'e fali ba $ 204.750, ne'e korupsaun” Christopher hateten.
?“LABEH husu ba Ana Pessoa atu hatudu nia dignidade nudar Prokurador Geral (PGR) ne’ebe hakarak promove justisa, luta hasoru korupsaun atu ba hatan iha tribunal konaba akuzasaun ida ne’e” dehan Christopher Henry Samson.
?Nia hatutan katak se wainhira akuzasaun ida ne’e falsu Tribunal bele husik Ana Pessoa maibe se wainhira akuzasaun ne’e lo’os signifika katak Ana Pessoa halo sala bo’ot ba orsamentu jeral do estadu.
“Husu ba Ana Pessoa atu entrega fila fali restu orsamentu ne’ebe mai husi orsamentu $ 204.750 ba kofre estadu tamba ne’e orsamentu povo no estado nia osan” Christopher kestiona.??Parlamentu Nasional rasik aprova tiha ona rezolusaun ida iha parlamentu nasional hodi fo lisensa ba Tribunal Rekursu atu investiga atual prokuradora ne'e. (*/Domingos da Silva/CJITL)
Sem comentários:
Enviar um comentário